佢成日都會強調佢係我朋友,有時都會有人話我地有過分親密嘅身體接觸(如:影相我搭佢膊頭,佢攬我腰),有時比人地話一話我地都會尷尬。
佢同我都會同女仔拍拖,但我曾經有兩個女朋友係因為佢而分手,有一任係佢發現我女朋友一腳踏兩船,佢叫我同女朋友分手,咁我聽佢話分左,另一任係女朋友吾中意我成日同佢一齊,所以分手。
我覺得佢好在意我同我女朋友,呢個我吾明點解佢要咁做?
兩年前,因為誤會,佢同我鬧左交,我好吾開心,有次飲醉酒仲話要為佢自殺。不過而家攤左牌,大家好返。
其實佢對我真係千依百順,我打佢,佢吾會還手,我鬧佢,佢都吾會還口。
我一直都好似對佢有好感,但係吾知佢點諗?
我每次見到佢出現都會好開心,佢好似好鍾意突然出現,比驚喜我。
佢有時仲會以講笑口吻話佢係我老公,我都會賭氣咁話我係佢老婆。朋友都話我比較女性化,但係佢好MAN。
我想知,我係咪中意左佢?(男對女,男對男感覺應該吾一樣?)
更新1:
我吾知點講好,其實佢好似蠢蠢地,我其他朋友話佢係扮豬食老虎。 有次我吾舒服暈左,佢揹左我去醫院。而家諗起都覺蠢,有的士吾搭,要揹。 有次整親腳,佢都有揹我。 兩年前大吵都係因為我地前途問題,之前都嘈過,只係冇咁嚴重。本來佢可以留低,但佢最後帶埋我走。 係我冇比機會佢,定係佢冇行多步? 我吾係鍾意男人,不過我認我淨係對佢有好感。 佢好大男人,我地應該冇咩可能,只係我單方面。 雖然佢細過我,好多時都係佢照顧返我轉頭。吾識我地嘅人以為佢係我阿哥(佢個樣都似大過我),可能我係依戀佢對我好? 我地鬧左交果排,我同左個女仔一齊,有諗過結婚。我有問過佢意見,佢都贊成,不過最後都係分左。
更新2:
就係因為時間太耐,吾知佢點諗,有時覺得佢對我好只係習慣。
更新3:
RE MAN: 佢琴晚有SEND SMS約我,但係我推左佢,我吾想係自己未諗清楚之前見佢。 我同佢而家都單身,其實應該係個好機會。 如果我真係同佢講,佢會吾會覺得我係講笑? 我真係吾知點同佢講好?