急!!!冷氣機沒有冷氣出,是否是沒有雪種?

冷氣機雖然唔係一件好復雜嘅電器, 但絕對唔可以用一招加雪種就解決問題. 當然雪種唔夠就當然唔會凍, 但問題係點解唔夠. 假設冷氣機仍然有風出; 只不過係唔涼, 問題可能係以下:

1. 壓縮器損壞, 壓縮過程不可能進行, 就算夠雪種都唔會凍 (需要更會壓縮器)
2. 壓縮器冇壞; 但接駁喉管有漏, 雪種漏走, 就算再加雪種都仍然再漏 (需要更換喉管)
3. 雪種輕微洩漏, 導致唔夠凍 (需要補漏再加雪種).

如果唔檢查清楚就茂茂然叫人加雪種, 萬一損壞係第一或第二項, 你無端端加雪種但又係唔需要; 就等於掉錢落咸水海, 到番手再修理嘅時候; 仲要再入多次雪種, 簡直係得不常失.

叫人檢查就一定要, 加唔加雪種就要睇邊樣嘢壞, 唔一定係雪種.

2011-07-07 23:37:06 補充：
更換壓縮器幾錢我答你唔到, 最好搵師傅報價, 視乎冷氣機幾大匹數, 照計五年咁快唔應該壞壓縮器, 如果真係要換壓縮器我情願買過部新機, 起碼有排唔會再壞.

2011-07-13 22:16:59 補充：
既然已經修理咗就無需理佢收費合唔合理, 唔合理都已經比咗錢, 安心嘆吓冷氣好過.

yan師傅,
請問可否給您的email add.我, 如有需要下次可請您幫忙, 我的EMAIL:
" [email protected] " 謝謝您!!

呀yan師傅,我覺得你好專家級,因我家的冷氣有相同問題,問過幾個師父都無你答得咁好,正在上綱找救星就見到你的答案
如果可以想請教你,我的分体機是豐澤牌,CF話係子母機,漏雪種但找不到那裏漏,可能係入牆候內漏,佢話換機都要扑斕度牆,現先試加雪種看可維持多久,點知五日就再吾凍,請問你吾扑爛度牆換新機可以嗎,會吾會有高手可補漏呢,感激

如果保養期過左,你找街外嘅冷氣店或師傅檢查便可,3幾百就一定要.只加雪種?加雪種係因為唔夠或者無先要加,成因係有地方漏種,正常一部冷氣機會有佢指定重量嘅雪種,唔係多便好,也不用換,太多種反而部機可能會HI-CUT.有D冷氣佬洗冷氣機會同你講洗機,入雪種,其實部機可制冷是不用入種,是一種騙人技倆.講返漏種,師傅會用雪種錶睇下有無漏,如有會另用方法找大約位置,如果是朱腸喉內銅喉,接駁冷氣機啤把漏,會簡單D,換左條喉(或一部分燒返銀焊),如椄駁位漏,打過啤把再接上便可,最後抽真空再入返雪種便可.如果你唔修補入種只會再漏,就算輕微漏,入完都係頂到一段時間.但如果是機內銅喉漏,又過左保養.....換機吧!因要找出漏種位置修理很麻煩,人工貴.
IN DOOR有風唔凍,咁要睇下OUT DOOR 有無行,所以唔一定漏種,如果用雪種錶睇過有雪種,但OUTDOOR車頭(壓縮機)不動,有兩個可能,一個係電容壞左,人工包料都係幾百,第二係釘車(壓縮泵壞),都係果句,過左保養期便換新機吧!如果原廠換泵,加多少少便可買新機,出面D師傅一般都會用二手泵(因為原廠通常對街外師傅都會話無貨),而且換泵人工和舊泵都唔平,又唔知可以頂幾耐?
你都係先找冷氣師傅檢查吓先再決定.

2011-07-08 21:53:51 補充：
樓主,而家d機一般都係6至8年,用到十年以上係你手氣好,有d唔好運2,3年就打柴,而家俾你換個舊泵,我估3幾千起(我唔係老細,仲有要睇幾多匹),好運頂多2,3年其他嘢或個舊泵又壞仲麻煩(原廠新泵不用想,買新機都差不太多),如果換機,我提意你買1.大金2.樂聲.

2011-07-13 23:36:46 補充：
只可以話唔貴,唔可以話平,如果係環保種R410a唔貴,R22種便不算平,但也可以接受,現在D雪種加晒價,都幾貴,而且仲有人工呢!

2011-07-16 22:24:47 補充：
唔扑爛牆換新機可以,但要做明喉(新做),條朱腸喉直徑大約二寸,如果舊果條去水唔啱用仲會多一條喉,如果舊機係R22雪種,現在新機大部分是R410a,就算條銅喉無穿都要換過,1.因為條銅喉會厚左2.雪種唔同(條舊喉有餘下雪種,油).