你會點呀？ 20

你話每次其他客人問佢嘢, 佢會好客氣回答, 但係當你問佢嘢, 佢就會
串你, 咁好明顯, 佢已經冇當你係佢客人, 係佢朋友啦!

但係, 首先我要淋你一盤泠水, 佢無戴戒子, 唔代表佢無男朋友/老公啊!
可能係因為佢公司規定員工返工嗰陣唔准戴飾物! 另外佢唔俾電話你,
可能係佢怕醜, 但亦有可能係佢已經有男朋友/老公, 唔想你誤會!

依家最好嘅方法, 係你首先試吓約佢, 等佢放工後請佢食飯! 如果佢肯,
就喺食飯期間送返嗰對鑽石耳環俾佢, 話依家佢已經放咗工, 你已經
唔係佢客人, 係佢朋友, 所以收呢份禮物係唔會有問題!

如果佢肯收, 你就成功咗第一步! 跟住你再問佢攞電話, 我估呢次應該
唔會再有問題! 至於佢肯唔肯做你女朋友, 就要睇吓你跟住落嚟對佢
嘅誠意和心思有幾多!

如果佢唔肯收, 甚至唔肯同你食飯, 你就直接問佢係咪有男朋友/老公,
同埋你有冇機會! 如果佢話你有機會, 咁你就要俾心機, 加油啊!
如果佢話你冇機會, 咁咪留番份禮物同心機對第二個女仔囉!

希望幫到你


2011-07-12 00:39:14 補充：
你話最唔明有乜原因佢唔比電話你, 呢個要分好嘅同壞嘅原因!

好嘅原因:

1. 佢對你有好感, 但係唔想咁快俾電話你, 要你追耐啲先俾你!

2. 佢對你有好感, 但係佢內向怕醜, 想識你耐啲先俾電話你!

壞嘅原因:

1. 佢已經有男朋友/老公, 當然唔方便俾電話你, 費事俾男朋友/老公誤會!

2. 佢冇男朋友/老公, 但你唔係佢杯茶, 費事俾電話你, 等你以為自己有機會!

至於係好嘅定係壞嘅原因, 就真係要問佢至知! 或者你諗番吓, 當佢聽到
你份禮物係鑽石耳環嘅時候, 同埋你問佢攞電話嘅時候, 你話佢喺度勁笑,
咁佢勁笑嘅表情似上面邊種情況? 係怕醜, 定係怕你/其他人誤會?

2011-07-12 00:39:49 補充：
至於冇戴戒子唔代表乜嘢, 我識好多有戴戒子但其實冇男朋友嘅, 相反,
好多冇戴戒子但其實連老公都有埋!

如果你唔想再自己亂諗, 不如喺佢唔係咁多客嘅時候, 再問佢攞多一次電話,
如果佢仍然唔肯俾, 就一定要問清楚理由, 無謂浪費時間喺一個冇機會嘅目標度!

祝馬到功成

不一定問人要telno.可以要msn e-mail之類不要太心急ar