狗狗係咪病佐!?有幾聲咳同嘔..

今日有親戚黎佐屋企,
有個細路將我噴頭髮既野噴佐落狗狗既籠同水兜度,
但比我發現佐,鬧死佢！

係佢噴佐同比我發現既過程入面,應該只係相差10分鐘左右,所以我唔肯定狗狗有冇飲到.

不過今日,
我狗狗成日都冇咩精神,成日想訓..不過因為佢只有6個月,平時係屋企都係咁訓,但佢今次好似訓得好冇精神咁樣,成隻攤佐係度.

不過放佢落街佢又好開心,又跑得,同平時冇咩分別..

但係佢係飯前嘔佐2次,嘔佐小小綠色既嘔吐物出黎,嘔完又自己奶番..

然後而家仲有幾聲咳,請問我應該點做!?佢係咪病佐!?

因為我第一次養狗,佢岩岩番佐黎一個月...第一次病,我好驚！！！

唔該.