感情問題 (男仔心理多少少)

1. 首先, 個女仔同個男仔拍咗咁耐拖, 應該好清楚個男仔嘅性格!
佢係屬於好心軟, 好善變嗰種, 定係屬於好固執, 話咗係咁就咁嗰種!

如果佢係屬於好心軟嗰種, 佢見到個前度飛咁遠嚟見佢, 仲要求佢喺
番埋一齊, 我相信個女仔成功嘅機會好大! 只要佢未同其他女仔拍拖!

如果佢係屬於好固執嗰種, 就算個女仔肯跪喺度求佢喺番埋一齊,
我覺得個女仔失敗嘅機會好大! 而且佢可能已經同其他女仔拍拖!

2. 另外, 要睇吓個男仔同個女仔係點樣分手?

如果係個男仔飛個女仔, 可能佢已經鍾意咗第二個, 就算唔係, 佢都
已經唔鍾意個女仔! 我覺得個女仔失敗嘅機會好大!

如果係個女仔飛個男仔, 咁佢受到咁大傷害, 正常男人都冇可能再鍾意
個女仔! 我覺得個女仔失敗嘅機會好大!

如果係因為兩個人分隔兩地而和平分手, 咁如果個女仔飛咁遠嚟見佢,
仲要求佢喺番埋一齊, 我相信個女仔成功嘅機會好大!

3. 總結:

如果上面 1 同 2 答案都係 "個女仔成功嘅機會好大", 咁個女仔就不妨
喺唔通知個男仔嘅情形下, 飛過去俾個 surprise 佢! 只要個女仔肯
主動要求佢喺番埋一齊, 咁應該可以預先恭喜定佢哋!

如果上面 1 同 2 答案得一個係 "個女仔成功嘅機會好大", 咁個女仔就
不妨打電話俾佢, 話想同佢喺番埋一齊, 問吓佢肯唔肯?

如果佢肯, 個女仔就一定要快啲飛過去搵佢, 以免夜長夢多!
如果唔肯, 就問吓佢係唔係已經有第二個, 或者佢同個女仔係唔係永遠
都唔會再有機會復合! 等自己死咗條心, 無謂浪費時間飛過去受苦!

如果上面 1 同 2 答案都係 "個女仔失敗嘅機會好大", 咁我覺得個女仔
就無謂飛過去, 甚至乎連電話都唔駛打, 除非個女仔可以承受到俾佢
傷害! 當然, 等自己死咗條心, 受一次傷有時都係必需嘅!

希望幫到你

算吧你問清楚個男仔先,睇下大家仲有得得傾..!!
如果你真係咁愛尼個男仔,你就去搵佢啦!唔好令自己後悔^^