HSBC戶口無錢扣被凍結

你喺收到張咭時, 信封係附有一份 "信用卡持有人合約 (Cardholder Agreement)", 好多人會當垃級丟咗. 但係, 份持卡人合約當中寫明兩樣好重要嘅條款:1. 當你唔還錢時, 銀行有權由你喺該銀行開立及以你個名持有嘅所有戶口當中扣除你欠嘅信用卡債項, 而唔需要事先通知你及徵求你同意.2. 你一使用張信用卡簽賬或透支, 就代表你完全同意果份持卡人合約內嘅所有條款. 如果你唔同意果份持卡人合約就要在使用張信用卡前將佢剪爛及退回銀行. 所以由你第一次使用張信用卡果日起, 你己經同意咗銀行由你其他戶口扣除你欠嘅信用卡債項.3. 你戶口被凍結, 係因為其他銀行及財務公司向法庭申請及取得咗 “第三者債務人法律程序令 (Garnishee Order)”, 即係當你係銀行有存款, Garnishee Order可令銀行直接向你有欠債嘅其他銀行及財務公司由你戶口中扣除款項付款還債, 而唔需要事先通知你及徵求你同意. 你而家入任何錢入果個戶口,都會被扣除還債.老實講, HSBC咁大間銀行, 做嘢一定有理所依. 你知唔知HSBC淨係法律部, 都有90個註冊律師, 未計法律文員及秘書…