如何增加自己的同理心?

施丹兄係有心人，小弟可以比少少意見。人生處世，小弟不敢話有乜野心得，但隨著社會經驗愈多，就愈發現出來做野最緊要有心，或大家常講既有heart。咩叫有heart好難講，最關鍵係一個真係有heart既人，無論佢做野成功與否都好，任何其他人都會見到佢對事情既熱心及努力，呢啲野呃唔到人，亦呃唔到自己。俗語講得好，有所謂“泥水佬做門”必需“過得人亦過得自己”。

但有heart唔代表佢一定做得野，因為只要某個人工作經驗淺或唔夠醒目，咁佢幾有heart都可以將事情做到一塌糊塗。不過我個人認為有心既其中一個最重要既條件係嗰個人要知錯能改，精益求精，而唔係意見接受，態度照舊。做錯事或做事唔夠好唔緊要，最緊要你肯改，有進步就得。

雖然唔知施丹兄既工作係咩，但應該需要經常同人接觸，咁雙方係溝通上出問題以致事情未達到雙方期望係常有既事。不過其實同你接觸既對方會不斷觀眾你既言行舉止，你辦事有無心佢一眼就睇得出，如果你真係認真辦事，咁只要大家努力拆店佢即可，最驚既係是但一邊愛理不理，咁樣做事最死。

想多講一句既係有時有啲人真係好衰，就算你心入面團火猛過煤氣爐佢都當你無用，佢一個唔順超，鬧及埋怨係常事小事，嚴重既真係可以立刻豉椒炒魷，咁可以點做﹖其實我個人覺得如果你面對一個咁有偏見既老細，工作環境又咁唔友善，你做野幾有心都無用，咁呢啲地方實在無謂留低，最好另謀高就。另一方面，好多人都批評依家既年輕人做野唔夠盡責，呢樣野我聽完好唔高興，因為成日講呢啲野嗰班友日日剩係識攞差既例子來講，好既例子又唔表揚，係呢啲人眼中無人夠佢地勤力認真，試問又點會有出色負責任既年輕人願意為佢地賣命﹖而且有好多人剩係想手下醒目，但又唔注意無咁醒目既人可能係代表佢比較沉穩，無嗰啲“醒目仔”既虛浮古惑。總之做人最緊要認真辦事，要拒絕練精學懶、得過且過又自作聰明既所謂“醒目”態度，咁你係長遠來講必定可以腳踏實地，一步一步實現理想。

請各位不要投給 003，他的回答更答非所問

同理心的培養　同理心是一種天生或後天培養的能力，若嬰兒孩童期有極不安全的經歷，周遭世界對自己的感受視而不見，聽而不聞，或照顧者充滿嬲怒暴力，同理心的發展便受障。培育同理心，需至少有一個穩固的親子關係，有心連心的聯繫；親密和有安全感的家庭關係，有助體恤別人的感受。「我們愛，因 神先愛我們。」（約壹4：19）被愛過的人才會去愛人。 想像一下在一個欠缺同理心的家庭中成長之孩子會是怎樣的樣子？首先，這些家庭的是父母大多都屬「忽視型」，甚或是「反對型」，他們每次遇到孩子情緒低落時就感到焦慮，因憂傷或憤怒帔視為失敗或潛在災難。遺憾的是，在孩子的生命中會不斷出現「不如意」的事；由於父母忽視孩子的負面情緒反應（更多時候是批判或責罵），久而久之，孩子學會了閉上嘴巴、裝假及掩飾，嚴重的更會與父母對抗！有一點可以肯定的是，這些孩子對他人的負面情緒同樣會表現冷漠，而自我情緒察覺力也會偏低！