咁等唔等於放數呢，係咪已經係犯左法

我唔識你或你家人, 我只係從法律角度討論吓你屋企人係咪放數犯左法. 先講 “放數”. 你家人私下借錢俾你, 並非經營放債業務, 所以息率並唔受<放債人條例>監管. 一個願打, 一個願捱, 佢要收你300厘息, 你接受肯借, 都無犯法.再講利息. 雖然唔受放債人條例監管, 但即管計一計. 借 $40萬, 每月還$2338, 還25年. 還足25年即係共銀$2338 x 12 x 25 = $701,400即係25年一共收你利息$301,400, 即係每年收你利息$12,056, 相等於年息3厘.話咗唔受放債人條例監管, 但即管睇一睇. 根據香港法例第163章<放債人條例>第24(1)&(4)條, 只有年息超過60厘先係犯法. 佢只係年息3厘, 所以就算放債人條例適用, 你家人都無違法.最後, 佢按左部的士借錢俾你, 呢個係佢資金來源. 老實講, 佢資金來源同你無關. 你問銀行財務甚至大耳窿借錢, 你都唔需要知道及無權過問佢哋啲錢點嚟啦. 你同佢嘅協議係 “借$40萬每月還$2338還25年”. 佢賣咗部的士, 填番條按揭數 係佢嘅事, 唔影響佢同你嘅agreement. 舉個extreme d嘅例子, 有人賣k仔得到$40萬, 借咗俾你, 之後佢被人拉咗坐監, 咁你可唔可以話d錢來源不正而拒絕還錢呢? 唔得嘛! d錢嘅來源係佢嘅事, 你只要跟合約做嘢.私人意見: 你屋企人都唔過份, 佢收你3%息, 每年通漲都5%啦, 即係佢每年蝕2%俾你. 到25年後, 計埋通漲, 其實佢收番你20萬啫. 再講, 借40萬每月還2千, 唔過份噃. 有得借我都借呀! 唔通借40萬每月還1千幾百咩?! 還到幾時呀…

年息唔超過60厘唔算犯法。