有限公司一定要有執行董事?

董事委任及罷免是按照公司組織章程(Memorandum & Articles of Association)去決定，而「執行董事」並非一般公司組織章程內要求。執董及非執董多數係上市公司章程內要求，而上市條例亦要求上市公司要有獨立非執董。僅供參考！

有限公司一定要有董事, 而該「董事」為公司的「代表」(representative/agent), 因為公司自己本身冇得去行使佢本身既權利同執行本身既義務.

所以如果你所指既非執行董事係指上述既「代表」, 即
1. 於董事登記冊登記並通知公司註冊處該董事的任命,
2. 起碼會履行公司的義務,
但唔參與任何營運的話, 你喜愛個post/title叫乜係你既自由, 但你要明白, 咁樣既董事並唔會因為佢個title叫非執行董事而減低佢作為董事既責任.

相反, 假若該非執行董事並唔係公司的董事, 即並非董事登記冊中的董事亦沒有須通知公司註冊處該非執行董事的任命的話, 咁公司就唔可以只有哩種非執行董事, 因為換句話講, 咁樣即係公司冇董事, 咁公司既股東再非有限責任, 而會變成無限責任, 即公司响冇董事既情況下有乜東瓜豆腐都會入哂D股東既數.

公司條例中並無將董事劃分成執行董事或非執行董事, 只有講明董事有咩資格、權利及責任, 而該董事於公司內個title係咪叫董事並唔影响佢既資格、權利及責任, 而即使個title叫董事但並無符合到條例中對董事的定義的話亦冇資格去行使該等權利及履行該等責任.