再問坐監既生活?

1. 唔係. 係由各幫派、越南仔、大陸仔坐埋協議分, 剩咗嘅就俾 ON 同老襯. 咁當然, 分完會話番俾保安 (即係獄警中嘅警察)知啦. 情況有d似出面d黑社會分地盤, 然後話俾O記知…2. 新人入去, 首先會見保安, 俾佢摸吓底.佢會編新人落邊個飯堂 (犯人係按飯堂分組). 無黑底嘅犯人,落到飯堂會有職員指佢埋老襯枱. 3. 每個犯都有個俗稱 “牌仔” 嘅監獄身分證, 上面有姓名、相、入獄日子、EDD (EarliestDischarge Date, 即係假設佢一路無犯事、得到全數 1/3 折扣嘅最早出獄日期) 、 同所犯何事. 其他犯有時都會八吓d新人衰乜, 但隨便話傷人就可以, 無犯人會問佢攞牌仔睇. 監房禁忌, 唔好講自己太多嘢俾人知.4. 有. 例如圖書館、指模房、醫院. 但呢d期數唔係人人落到. 圖書館通常係俾d犯商業案嘅 “乖仔”, 係最大機會成功申請提早釋放嘅期數 (因為佢哋嘅阿頭就係福利官). 指模房係最多著數嘅, 因為佢哋嘅阿頭就係CO (總主任), 你幫到佢, 申請乜都批, 同埋我上次答題所講嘅奶茶、熱狗, 就係指模房著數. 但當然, 要肚有墨水先做得指模房. 醫院就係俾d敏感人物嘅, 例如黃玉郎、李福兆、白韻琴… 瞓真正嘅床, 唔係玻璃纖維 / 木板床. 你朋友犯咗自稱三合會員, 以上一律無佢份. 做廚房唯一好係食得好, 但晨早5點要起身,又熱…5. 福利官當然係跟進犯人所有福利事宜, 例如要打電話同家人聯絡、要報公開大學、家有白事想去奔喪、想申請提早釋放 etcetc. 福利官係監房阿一 (監房監督) 、阿二 (總主任) 外最大權嘅人. 福利官唔係個個犯都跟,係d犯有事先去搵佢.6. 係. 例如善導會、佛光會. 通常係d大時大節, 例如聖誕節 (善導會), 農曆年 (佛光會). 乜監獄都去.

係. 工作需要.

2011-06-29 23:23:04 補充：
1. 所有監獄都可以申請打電話, 但只有在有極緊急事先會批準. 通常本地犯人批準打電話嘅機會1%, 係因為佢哋有要事可以寫信叫家人入去探佢, 又或者申請叫福利官代為致電家人.
2. 福利官係懲教署職員.
3. 通常無特別技能嘅犯會被分配到不同期數做最低級嘅B仔 (清潔).
4. 寫信、吹水、聽貓 (收音機) 、畫賀卡俾情人、睇書、瞓覺、賭錢…

peterchan 知識長 非常精采的回答！簡單、生動、易明！