我依家13.5歲,女仔,呢排我成日覺得自己好似有強迫症...
我每日都要洗頭(以前係超級唔中意洗頭,差唔多1個禮拜先洗一次),沖涼個時,我一定要排好曬啲髮夾,重要一隻貼住一隻先肯罷休,仲會因為排唔到心目中要既感覺而唔記得抖氣(唔知可唔可以咁講,可能係忍住道氣咁),沖涼個時就一定要用鹼液沖得好有次序,出到黎就要吹乾頭瞓覺啦(我平時好夜瞓),但係我成日都要走去廚房確定個窗已經關好,即使上左床(兩層個種)都要落返床check多幾十次先可以瞓到覺,晚晚都嘥成半個鐘先安心瞓到覺,飲水又係咁,我平時會飲淡水先瞓覺,但係我發覺我飲左一淡之後,成日覺得唔夠候一淡兩淡,就好似check窗咁,沒完沒了;我知道自己係一路做啲一樣既野,但係我冇辦法控制自己,搞到唔知點算好??
如果我真係有強迫症,我要點同阿媽講?
我係唔係患上左強迫症?
2011-06-28 9:16 am
回答 (2)
2011-06-28 9:46 am
✔ 最佳答案
一定要排好髮夾, 抖唔到氣既感覺, 一定要沖得有次序, 一定要吹乾頭, 成日要check個窗, 水飲完又飲, 無法控制...呢啲徵狀的確切合強迫症, 而且伴隨有過度焦慮症.
但症狀還算輕微, 你先不要太擔心
不過, 你要及早看醫生, 不要怕, 及早醫治, 是可以控制的, 否則, 不理它, 症狀可能會繼續惡化, 最後步入思覺失調的階段, 問題就會很嚴重
和你媽認真講, 你覺得自己不太妥, 有點控制不了自己的行為, 需要看醫生檢查一下以求安心. 開口是比較困難, 但為著健康著想, 你必須鼓起勇氣去做, 加油!
2011-06-28 11:01 am
照你的描述來看,我認為你可能患上清潔癖和精神衰弱;又或與焦慮症有關 。除了看心理學專家外,還需要自己練習控制緊張情緒。鑒於你年紀輕輕,若果不及早診治,恐怕影響到將來的生活和前途。我以為你應該坦誠與母親商討有關精神衰弱的問題;希望她能支持尋找心理專家診斷和醫治。
收錄日期: 2021-04-27 13:25:43
原文連結 [永久失效]:
https://hk.answers.yahoo.com/question/index?qid=20110628000051KK00064