中三選科煩惱 please help!!!

1)我應該揀咩？？？help!!!
按照自己興趣，同埋你大學既志願，心理學的話其實高中選咩科都唔太重要，就算係大學時所需要既理科知識，佢都會係大學全部教過；醫學院就一定要讀chem，com.sci既chem真係好基本，而且亦都難讀，所以唔太推薦；design同心理學一樣，高中選咩科其實都唔太關係，你可以上到大學個陣先選design都一樣冇問題

2)Combine sci係咪讀得好辛苦？
讀得辛唔辛苦就見人見智啦，但係難讀就係一定的，因為所教既野都係兩科最重要既野，但係又唔會深入咁講解解釋，就會有D「兩頭唔到岸」，兩科都唔知點

3)係咪唔值得為M1而迫自己讀phy?
真係好討厭phy的話，係。M1其實都係同數學一科一齊考，就算幾叻都好，都係要睇埋你本科數學。但係phy係單獨一科，到時公開考試個陣，一死就真係成科死晒。同埋講真一句，如果係對phy冇興趣，就真係千萬唔好迫自己讀，咁樣係點讀都唔會讀得好的，phy係認真難。

4)讀psycho英文要幾勁？
其實你讀咩都要英文好嫁啦，無論係心理學好，定你都有興趣既醫學院或design又好，總之揀咩都好，都一定要操好英文，冇得話去到幾勁既

5)讀history 係咪要英文好好?
同上題一樣，讀咩都要英文好嫁啦，不過history的確要更甚，因為你必須要用英文理解晒所有既歷史，而且考試個陣又要用英文表達晒出黎，文法個D亦都要計分，唔似理科咁只要唔串錯字文法點錯都唔多關事～

6)讀VA係咪好辛苦，晚晚3,4點先訓得，讀design唔一定要VA?
讀VA你要預左係要花多時間去自修美術史，因為學校係騰唔到太多既時間花係美術史上，所以大部分都係要自己自修。讀design就唔一定要讀VA，可以上到大學再選都可以，design冇特登指名要require邊科，所以唔讀VA都係可以的

7)Eco 定BAFS 好? 我無打算從商，只是想認識一下。
Eco。BAFS真係for你將來會做會計，需要畫好多既圖表預算表等等（個人覺得咁樣日日畫真係超級悶= =）相對eco會講晒所有基本知識，而且亦唔會包涵埋BAFS既野，而係整個經濟原理。如果只係想識多D野，eco會比較好。


祝你會揀到最合適你既科目

雖然唔係好幫倒你，不過答你一條問題啦
6)讀VA係咪好辛苦，晚晚3,4點先訓得，讀design唔一定要VA?
VA係多野做既，你要做兩份report for 你既SBA (漸公開試中既50%，超重要！)
而2份REPORT中要做3份artwork , 其中要包括你既draft , 步驟, art appreciation等等，如果你唔識time management ，你咪要做到3,4點囉
其實科科都好多野做嫁啦：如果你做野唔專心，科科都可以做到3,4點

回應番以上果位網友既回答，讀va未必一定要讀藝術史
依家334既考試中只有2份paper , 一份係畫畫一份係設計
兩份卷都係要畫野(3小時15分)加做art appreciation
讀藝術史可以對你既art appreciation有幫助，不過唔讀都唔會太差
因為佢唔會問你果幅話既hist，只會叫你比較2幅畫
你睇倒咩,諗倒咩，合理咁寫出黎以經可以好高分


想讀design唔係一定要讀va，不過如果你在中學以經讀緊，比人地讀多左3年
你會著數好多咁姐