眼睛白朦朦

如果想去送錢俾專科... 不如去睇視光師吧...

* 你一係就係講緊漂浮體(floaters)/飛蚊症
漂浮體 一般都冇咩事的...
我每日睇20個病人... 15個都有floaters的...
有好多人自己有都唔知添..
因為係見倒好光既/好白既 背景.. 先會見倒(白色牆, 電腦mon, 天空.. 等等)
眼球入面有一個叫玻璃體既好似jelly咁既野... 用黎裝滿個眼球的... 但有時會縮左水... 咁就會有d 氣泡呀.. 果d係入面... 當光照入去眼球入面果時.. 果d氣泡會投射左一個影係個視網膜上面.. 咁你就會見倒有d好奇怪既浮下浮下既野...
floaters 係冇得醫的... 都唔會自己冇左的...
不過個腦好快會適應... 會冇咁留意倒d floater
不過如果果d floater 突然有大變化... 或你見倒閃光.. 就一定要睇 眼 科 醫生了... (don't bother with the general doctors)


* 一係就係講緊眼乾病
見倒光圈呀濛呀.... 果d... 可能係因為你眼太乾/太濕
有時因為你既眼淚出現左問題... 乾得好快..
個腦又以為你唔夠眼淚... 就不停係咁製造出好多眼淚... 咁就會眼濕濕...
咁眼濕濕點解會眼濛我諗我唔洗講你都想像倒啦... ! d眼淚阻住你睇野!
如果有眼乾既... 視光師/醫生 會介紹d人工淚水俾你...或一d眼瞼既治療... 但係好睇你眼乾既原因的

好多人以為有散光的話睇野d光會散開...
散光英文係astigmatism.. 同「散開」完全冇關係, 散光只係同近視遠視一樣... 只係d光聚焦得唔岩... 會「濛」, 只要帶左眼鏡就會睇得清...



以上係每日同病人講既廢話..(用左好多功夫譯成中文). 希望幫倒你

眨幾次眼.約15min就冇事... 唔似白內障啊.

有冇用水沖洗呀? 沖得走既, 即係眼角膜上痴住d野, 有可能係眼膠. 咁樣問題不大, 可能係熱氣, 淚水分泌太杰. 睇普通科醫生都搞得掂既.

如果水沖唔走, 咁d朦朦係咪局部定全隻眼視線範圍呢? 如果係局部, 係咪有一個形狀既朦朦呢? 矇矇位置係咪有時不同, 甚至見到佢會微微移動/改變形狀呢? 因為有d "飛蚊" 即係眼球液體有些沈澱物, 不夠通透, 所以阻礙視線. 有時眨眼或時間過去, 沉澱物位置改變, 不再阻住視線, 就會正常番.

圖片參考：http://upload.wikimedia.org/wikipedia/commons/b/b2/Floaters.png

http://zh.wikipedia.org/wiki/%E9%A3%9B%E8%9A%8A%E7%97%87
飛蚊唔係嚴重問題, 好多戴眼鏡既人都有呢個問題. 其實就算睇眼科, 都係比d藥水你滴, 藥水作用不大.

比較擔心既係視網膜脫落問題, 不過, 睇你形容又唔似.
http://zh.wikipedia.org/wiki/%E8%A7%86%E7%BD%91%E8%86%9C%E8%84%B1%E8%90%BD
如果懷疑係視網膜脫落, 就係急症黎, 一定要立即搵眼科醫生做激光, 因為唔理佢會愈來愈嚴重, 視力會永久受損.

給你建議, 先睇普通科醫生, 很可能已經解決到問題. 如果佢知道唔得, 會轉介你睇眼科. 私家眼科通常$400-500.

你係唔係有白內障呀﹖