耳仔腫了.><求幫助

我釘耳窿釘左3個月左右.. 同你有一樣既煩惱= =
我只係釘左左邊嫁姐, 都係釘幼針既. 初初就襯Easter釘啦 到番學我就諗住除左佢, 點知我一除就奶左野.
首先答番你依家最主要既2個問題先.
Problem1: 塞唔到耳針
個人經歷: 有一日我就諗住塞支黑色耳針入去點知原來係粗針, 塞塞下塞到啵... 但係又流哂血之類, 於是我就一個星期冇換到. 1個星期之後, 我放中針/粗針好容易就塞到入去啦, 因為個窿整大左. 但係1放幼針之後就冇得救, 因為當耳窿冇野整大佢, 佢就會細番
方法一: 你可以試下用粗針, 你塞左一次往後既日子不論乜野針都好容易塞到入去嫁啦.
優點: 一次痛楚就永久保用-.-
缺點: 多數會因為痛楚而放棄加上會搞到你隻耳仔由唔係發炎搞到堅係發炎= =

方法二:
首先, 準備你要既即係耳針同埋藥水等等..
你蚊左舊既耳針出黎先... 之後揸住新嗰支 喺耳仔面放入去先, 有幾入放幾入, 注意係轉入去唔係格硬塞. 如果開始痛既話其實係有機會你放錯左位. 將手指放耳窿背到摸, 摸下搵番個窿出黎先... 之後試下繼續轉...重好痛就落藥水. 幫助佢冼入個耳窿. 當你摸到耳背有粒野突然出現左就證明你個位岩左啦. 咁你就可以繼續轉入去.
注意: 如果你成功左放到支耳針入去你最好就有一段時間(大約一個星期) 唔好換耳針, 等佢定好位先..
優點: 你得左一次熟手後就唔會有呢個問題, 因為我依家都係咁.

缺點: 呢個方法係好痛同埋好難放入去...因為你個耳窿已經發左炎嫁啦...
你呢個情況出現既原因係因為佢流出黎既膿有少少變左固體 於是佢就好似有D野塞住左咁.. 你咁塞係好痛 到你塞到佢有"啪"一聲既時候就證明你成功左, 記得一塞到就唔好再拎出黎成日換, 佢會慢慢消腫

Problem 2: 耳仔腫左+消唔到腫

首先要說明既係, 你耳仔已經發左炎= = 只不過係輕微D咁解姐 唔洗驚住, 依家係冇咁痛既...
另外, 支藥水係冇乜用處的, 最多都係話幫你消下毒咁. 我依家已經冇用了= =

方法一: 往後既日子你每次換耳針, 可以試下先用紙巾抹下前便又抹下後便咁.. 你可能會見到有D白白地黃黃地既野. 呢D係膿. 過一陣你就"初"下耳珠, 可能會發熱plus紅左. 滴D藥水落去先放耳針. 我個人經歷就覺得咁樣比較容易消腫...

優點: 試過有效既真係...
缺點: 可能日復日又會腫番, 不過到時你已經可以放到耳針嫁啦唔洗驚

方法二: 有人喺網上流傳話可以去藥房買隻梅蠟油啦... 我冇買過, 都冇試過. 但係你鐘意可以試下... 我諗可能OK掛... 係For你發炎時用的. 5蚊細細支..

優點: 根據網上所言好似幾好用, 而且好快就好番. 我諗對消腫應該會有效
缺點: 始終我都未用過唔敢保證, 有冇效就見人見智了. 如果樓主你想試下都冇妨既~

最後, 補充少少關於你放耳針既問題。
如果你搵唔番個尾喺邊可以試下好似我咁, 用手扯住耳珠向下, 另一隻手就放手耳針, 放唔入就用埋無名指向左扯(in case你係左邊耳窿; 如果右邊就向右扯) 咁都好易放入去嫁!!
仲有你每次放到入去就轉下支耳針啦~轉得郁到就證明佢冇咁發炎了~~

我依家唔用藥水了, 但係耳仔已經冇咁腫... 希望我個方法幫到你啦~~

你可以參考以下網址
http://www.ComingZOO.com
http://www.PF23.com


我自己都去開, 希望可以幫到你~ ^T^
比我20分!