坐監既生活?

1. 唔會, 除非你係強姦犯. 人人都係捱時間, 你唔得罪人, 無人會搞你.2. 無. 同上3. 喺飯堂係分枱坐, 有黑底嘅會埋堆坐埋幾枱, 外國人 (俗稱ON) 、大陸人 (俗稱II) 、越南人、無黑底嘅人 (俗稱老襯) 亦有自己嘅枱, 河水不犯井水.4. 新人入去先去新人組2星期,期間做整信封 (你見果d政府雞皮袋信封就係監獄犯人貼嘅). 跟住就出新人組 (俗稱落山), 被安排去唔同工作崗位做嘢 (俗稱落期數), 包括圖書館、指模房清潔, 木工 (政府部門枱椅)、釘書 (你見政府圖書館d書嘅硬皮就係監獄犯人整嘅) 、洗衣 (洗犯人衣物床單、醫管局屬下醫院病人衫毛巾床單及懲教署職員衫) 、路牌 (喺街見到果啲路牌) …… etc etc. 通常刑期短嘅(3-6個月)會留番喺荔枝角, 6-9個月可能會去d低設防監獄.5. 唔係. 佢地都係打份工啫. 獄警同犯人有一套秩序, 要講可以請三日三夜. 總知而家監房上哂軌道, 完全唔係監獄風雲果套. 我聽過有d犯人幫到職員手嘅話,日日有熱狗奶茶, 週末甚至有pizza食 (聽落好小事, 但當你日日飲清水食紙咁薄嘅白烚肉 / 炸貓魚時, 一隻熱狗就係天下第一美味!). 我識個犯,出番嚟後同拜山房 (探訪室) 個女職員拍拖潻!6. 係. 每個工種分5級, 按技能level升級 (例如你係出面做開木工, 咁就可以升快d), 按級別俾人工. 最低級嘅叫做B仔, 做期數清潔, 每月百零蚊人工, 最高級嘅係領班, 即係期數阿頭, 每月好似話有五百零蚊人工. 但通常d期數阿頭位都係由d黑社會大佬做嘅, 老襯幾叻都好, 都唔會上到位.7. 每日食早午晚飯後有大約一小時喺飯堂吹水、睇書、睇電視, 另外有一小時做出掠場運動. 晚上7點半番倉, 10點熄燈.8. 當然規定不可賭錢, 但你話有無人賭錢呢?! 煙仔係監獄貨幣,有煙好多嘢都做到. 大把人賭錢輸到要家人填數,由家人喺出面入錢入債主家人戶口還債. 甚至有人喺獄中放大耳窿數. 我識有個犯, 入獄8年, 賺咗過百萬出獄...9. 係. 由小學程度英文 (由志願團體教) 到公開大學都可以報讀, 無錢可申請資助.監房係社會縮影, 好多唔同規矩 / 有趣嘢, 我每次都聽到津津有味. 以上答案只係簡述, 供你參考.