學廚行情及前路

我有有D朋友同親戚都係做廚，大家樂，酒樓，同大酒店既總廚都有。以我所知，我識既朋友們都無特別讀咩書，只係入去做學徒，然後慢慢學，當然初時要做埋清潔，切菜同一D準備工夫啦，我覺得又唔係叫洽既，大多新人都係咁開始架啦。人工方面，做大家樂既朋友，做左三年幾四年，啱啱過萬。酒樓個個朋友就做左差唔多十年啦，但無得升，重係萬五六一個月。但做到總廚就有四萬幾一個月。其實要入酒店，除左一定既經驗同廚藝之外，重要有人脈去推薦你。所以際遇都會影響到你既前途。

環境同人事就視乎返你既公司啦，個個既情況都唔同，但由於有落場既空檔，所以有時一齊賭錢打發時間就難免啦，不過食煙就真係幾普遍，因為人影響人，有時師父比到你，你唔食都好似唔係幾好咁，所以好多人都會食。廚師最大既職業病大多係手部，因為D刀, 煱都好重架。

其實學手藝，永遠都唔會遲。不過你比人晚起步，就會有差落。
即例如有人十八歲開始入行，可能而家廿二三歲，但無論成就，人工或者功架都比你高。所以，第一件事，你要接受所有有可能既差落。第二，無論任何工初入行時，尤其是學徒，都要捱一段日子，唔止人工低，工作量大，而且更加係執頭執尾既位。好多人因為覺得唔公平，或者未學到想學既野，而選擇放棄。如果本身係家庭既經濟之柱，或者自尊心高既人，都未必適宜。到最後，我覺得你應該先衡量一下，你如果看待這個行業。在情定在理!? 你係覺得LEE行發展唔錯? 定係自己既興趣? 甚至係自己既理想? 如果係前者，你可以先考慮清楚再作嘗試。畢竟社會上有前景既工作滿多，不止西廚一項。但如果係你既理想，而環境又許可既，不妨一試。始終你27歲，仍然有嘗試既條件，唔好比自己後悔。

好高興你有夢想,有目標。學嘢係好,但點解咁想學呢?咁…………有無想過要幾多歲做西廚?係邊間做?定係最好自己開間呢?咁…如果學唔成或者做唔成西廚,咁會點呢?可以mail我,一齊研究吓 !
[email protected]