兩個感情問題... :(

第一個問題:

佢日日同個女仔 MSN + 女仔冇 ON 一日 MSN 佢會話悶死,
可能只係佢冇乜朋友! 佢同個女仔有好多話題 + 佢會讚個女仔,
可能只係佢當個女仔係好朋友!

但有兩個 point, 令我懷疑佢可能係對個女仔有意!

1. 佢同個女仔 MSN 講我愛你,之後佢話係佢啲 fd 呃個女仔!
首先個女仔要留意, 喺佢講我愛你之前係講緊啲乜嘢? 如果係突然
之間插一句出嚟, 咁可能真係俾佢啲 fd 玩! 但如果一路講嘅嘢係好
連貫嘅, 咁可能真係佢自己講, 不過講完之後好驚所以講大話!

2. 個女仔生日嗰日,佢會等到00:00:00喺 FB 同佢講完生日快樂先瞓!
同個 fd 講生日快樂係好正常, 但係捱眼瞓嚟講就似乎有啲嘢!

既然個女仔想知呢個男仔係咪對個自己有意, 就不如用朋友嘅身份,
問吓佢鍾意邊一類型嘅女仔? 如果自己唔係呢類型就即係誤會啦,
如果自己真係呢類型就諗吓俾唔俾暗示個男仔, 叫佢放膽追自己啦!

第二個問題:

點解呢個世界仍然有人 (A) 要自作聰明,去玩讓愛呢種咁白痴嘅行為!
你唔好以為 A 好偉大, 其實佢係好自私! 佢剩係企喺自己嘅角度去睇,
以為喺友情同愛情之間係好痛苦, 但係佢從來冇問過企喺中間嗰個
(B) 究竟鍾意嘅係 A 定 C!

如果 B 係鍾意 A, 但係佢想讓愛俾 C 嘅話, 咁即係當 B 係一件貨!
就算佢唔鍾意 B, 點解 B 一定要選 C, B 可以去選 X, Y, Z!
佢以為自己係邊個, 憑乜嘢去決定 B 嘅命運, 簡直不知所謂!

如果 B 係鍾意 C, A 咪就係自作多情囉! 人哋根本就唔係鍾意佢,
佢仲想學人玩讓愛, 真係忍唔住要罵多佢一句白痴!

如果 B 根本兩個 (A+C) 都唔鍾意, 呢個笑話就真係最好笑!
你第日唔好話俾我知係呢個答案, 我驚我笑到收唔到聲! 唔好以為
冇機會發生, 你要知道呢個世界唔係只得 A 同 C 兩個人呀!

最後, 你千祈唔好話俾我知你就係 A - - -

希望幫到你