m記番工同點人混熟?

希望你唔好嬲, 好老實講, 我覺得你份人幾矛盾!

你唔敢搵陌生人講嘢, 但又驚同啲人唔熟會做得好冇mood!
你只係一個新人, 睇你講嘅內容又唔似係入去做經理, 唔通你以為
個個人都會主動同你講嘢, 埋嚟擦你鞋咩!

如果你想以後同班同事相處好啲, 就應該做足你自己最後講嗰段嘢!
(第一日返工應該同人打招呼! 見人就say hi! 未識嘅人都say hi!)
唔好以為我講笑, 如果你真係做得到, 人際關係就唔會有問題!
知唔知成功係靠乜? 唔係學歷好, 唔係夠勤力, 係人際關係一定要好!

你話同陌生人講嘢都會變得細聲咗, 咁你都好難主動同人打開話題!
或者喺未同班同事熟之前, 聽到人哋講嘢, 如果個話題你都識嘅,
就不妨試吓插句咀, 發表吓自己嘅意見, 或者認同吓人哋嘅講法!
到同班同事熟之後, 就不妨自己試吓開一個話題嚟講!

既然你第一句就問點可以識吓啲人, 咁我就希望你可以克服內向
呢個缺點, 識多啲朋友, 令自己嘅人生可以開心啲!

希望幫到你

琪實冇咩所謂咖.
用番您平時同佢地講既野就得