我媽講野好過份...我想見到佢...

我屋企部電腦係我間房
我習慣左上網會關房門
因為有時候睇D綜藝節目個時會忍唔到笑
咁喏我張電腦枱
所以我唔想屋企人見到我笑(因為會好傢傻仔咁)
依家我一上網就會關門
今日我放假係屋企冇野做(冇功課同埋考完試)
所以成日都係度上網
再加上前幾日同我父母嗌左交
所以更加唔係好想見到佢地個樣
於是我就關左門直到我阿媽入來
佢一入來就同我講
'睇下人地XXX個女幾乖
你學下人地喇'
我已經同佢講左我最唔鍾意同人比較
佢仲要攞我同人比
不過我冇同講野
因為人地的確比我好
但係佢仲唔心息
仲要話'你上網做咩呀，
識網友呀
小心俾人欺騙你
到時你就後悔喇
你援交又好點到好
唔好喊住番嚟搵我呀'
我個時真係好激氣囉
佢如果平靜咁同我講都冇野
佢仲要好似係度嘲笑緊我咁
佢咁講到底咩意思呀
我唔會蠢到識D三唔識七嘅人仲要約出街囉
佢當我係咩呀
我係佢個女嚟架
佢居然咒我第日援交
佢當我係街邊個染哂金毛又唔番學個D人呀
我真係好唔開心囉
我估唔到我阿媽既然咁講野
我本來已經想乖D
唔好成日同佢嘈
點知佢仲要咁對我
我唔想見到佢呀....
佢點先信我冇亂識人呀???