請問咁既情況洗唔洗報稅？

哩個問題其實我都有同其他同行討論過，但係確實仍未搵到個真係答得好實既結論，或者我將我地既討論觀點post出黎等你參詳一下：

稅例有兩個主調其實都岩使：1) 所有來自香港既業務利潤都應該被徵收利得稅； 2) 資本性收益係例外

咁究竟買賣上市股票或衍生工具(下統稱為股票)係業務定係資本性呢？就好睇個6 badges of trade: 出售物的性質; 擁有期的長短; 出售同類物品的次數; 有否為該物品增值; 在何種情況下出售; 出售的動機。

所以，投資股票既利潤係唔應該被徵稅，因為投資係屬資本性；相反，炒賣股票就係屬業務性質，因為同買賣其他貨品無異，而稅例或DIPN都冇講過股票唔屬貨品，所以利潤應該被徵稅。

但係事實既係，大部份以個人名義炒股票既人，係冇被徵收過利得稅；而以公司名義持有股票，又被視為炒賣兼被徵稅既就確實大有人在。咁係咪就等於以個人名義就冇問題，唔會被打稅呢？

老實講，我唔敢肯定，事關同炒股票好似既炒樓响哩10年間就有好大變化：

以前炒樓，唔理用公司名義定個人名義都冇事，冇話要俾稅，當然同e家炒股票既情況一樣，都冇話過唔俾交稅。

-----> 以公司名義買賣樓，短期既被視為炒賣，徵利得稅；蝕左既，就話你係資本性損失，除非你證明你係trading of property，唔係既就唔俾你扣稅 (超惡，好似雙重標準咁@@")

-----> 魔爪已申向以個人名義買賣樓宇，情況同上。

咁既然炒樓既徵稅發展係咁，咁仲敢唔敢話炒股票會冇事呢？恕我細膽，我就一定唔敢講。

Therefore, 主要去拗既係果6個badges of trade，拗得通係投資既就會係資本性，利潤唔使俾稅，蝕左冇得扣稅：拗得通係炒既，就蝕左有得扣稅，利潤都要交稅。

另外，想補充既係:
稅係Tax，係根據稅務條例(Cap. 112)而徵收；
印花稅係Stamp Duty，係根據印花稅條例(Cap. 117)而徵收；
商業登記費係Business Registration Fee，係根據商業登記條例(Cap. 310)徵收。
以上三樣都係稅局去執行，咁如果話Stamp Duty係稅，咁會唔會又話埋商業登記費係稅？

至於稅表上，冇要求要填寫有冇資產等等既野，只係要填：
Part 3, 全權擁有而又有租金收入既物業；
Part 4, 薪俸收入及相關既野，包括老闆俾公司股票你作薪酬；
Part 5, 獨資業務收入相關野野，除非你既資產、股票同定期存款係包括在獨資業務內，否則就唔使填落去；
Part 6, 同其他人共有既出租物業同合伙業務既數目only；
Part 7, 物業既資料純粹用黎申請扣稅，且有限制。

所以唔係所有資產物業股票存款都關事，係關係到Tax既哩D資產先要填。

呢個問題本身係一個give and take嘅問題：如果人地嬴錢你要徵稅，咁輸錢你俾唔俾扣？最近就係有人投資股票輸咗要求從收入中扣除，仲去到上訴庭─不過梗係輸咗啦！由此睇嚟，輸咗唔俾扣，理論上嬴咗就唔使交﹝不過政府奉行強櫂，淨係睇佢出稅務執行指引都出現有自相矛盾嘅情況！﹞！僅供參考！

香港是行簡單稅制的，從事合法投資(如買賣期指)，每次交易都要交印花稅，所以無需再報稅；無需要因為見人賺錢而眼紅，人地輸錢時你又唔知！