K7S41GX 想換cpu一問

大部份情況，係不建議你買cpu升級，因為效益唔大，除非你的cpu係執到。
只換cpu，windows係唔須要做任何改動，直接可以boot。(換chipset先要。)
cpu個面因為好熱，冇乜可能有個貼紙!!
如果真係冇貼紙，你遅早都要撕左佢，要搽散熱油!
AMD的cpu，在兼容性比較高，好多時可以插去較舊的板。你要睇清楚cpu上面的marking，可以到asrock的網站查一查支唔支援你粒cpu，有清楚列出。
1.6升到2.5看似好勁的升級，有成150%。不過，你開機可能根本唔覺。因為大部份時間花在等較慢的硬件，例如從硬碟讀入(包括boot機的大部份時間)，或者花時更新個顯示，或者等互聯網的資料。
你所得的150%升級，完全只在資料處理，例如播片可能會暢順點(但如果你依家冇唔窒的話，即係cpu只係得閒左)，如果你玩photoshop，壓片，等，呢類工作會快左。不過依我估，整體上你係唔多覺。
新的機較快，因為CPU/ram等在fsb上面的增速，和hd介面的增速，令整體提速先明顯。