老公比佢前妻告佢唔比贍養費,唔上庭會唔會被通緝?

1. 家事法庭係都正式法庭, 只不過係專門處理婚姻及家事. 法庭傳票係法庭正式命令, 叫人上庭應訊. 任何人都要遵從, 否則就係蔑視法庭. 佢第一次唔到, 法庭會將案押後, 另訂日子再處理. 跟住再發傳票傳佢上庭應訊及解釋點解上次無到. 如果佢今次又唔到, 法庭就會出拘捕令通輯佢. 會有警察上門拉佢, 又或一俾人查身份証或過關出境就會被捕, 由差人押佢上庭應訊及解釋點解無到. 如果個官唔滿意佢解釋, 可以下令將佢監禁14天.2. 法庭判贍養費俾個小朋友, 本身就係一個法庭命令. 佢唔俾就係違反法庭命令, 亦屬於蔑視法庭. 通常處理方法係頭一、兩次唔俾, 就無事. 再屢次唔俾, 就次次罰款兼監禁14天, 罰到你驚為止. 3. 可以上庭時以財政困難為由向個官申請更改贍養費命令. 但佢真係無錢先好. 個官會要佢提交財政報表, 真係無錢俾贍養費, 法官會體量得到, 唔會夾硬嚟. 但如果與事實不乎, 例如佢月入幾萬而唔俾幾千贍養費, 又或者只係你介意佢俾錢前妻而唔關財政事, 個官可能將贍養費上調. 我都係過來人, 前妻家境大富, 根本唔需要贍養費, 但我仍每月俾贍養費, 只因個人認為, 不論前妻家境如何, 俾贍養費俾自己小朋友係盡父親責任, 天經地義嘅. 生得佢出就要負責任. 你老公有小朋友係不變嘅事實, 佢俾錢俾自己小朋友係一個不可逃避嘅負責. Touchwood 講句, 佢今日點對前妻小朋友, 他日亦有可能咁對你. 你都想你老公係一個盡責任嘅男人 / 父親?! 你係佢老婆, 你應支持佢去解決件事. 唔可以話個阿媽有嘢做、有男友、又唔知d錢用喺邊, 就唔俾贍養費. 佢前妻男友根本無責任幫你老公養小朋友噃! 你一定有d手帕交女友. 如果你手帕交女友說你知佢前夫唔俾贍養費養細路, 你都鬧爆佢啦. 你老公而家就係俾人背後鬧爆緊…老實講, 爭人錢同照顧自己小朋友, 俾我揀一定係骨肉行先、債主就有拖無欠. 當然, 清官難審家庭事, 以上只係我嘅個人意見 / 做法, 與人無尤.

2011-06-18 08:32:16 補充：
P.S. 贍養費一般係俾到佢前妻結婚或小孩18歲, 佢唔會纏住你地一世...

點解你養個仔就會等錢用, 而前妻養個仔就會唔得錢用? 唔通人地個仔唔駛食飯的? 問心, 你話前妻妒忌你, 你咪又係一樣妒忌前妻? 而且, 人地未離婚時你已經走埋去識人老公, 人地唔妥你先係正常的事.

正如1樓說, 家庭有負擔只是求情的理由, 但是法官的命令就一定要遵守, 如果你認為前妻的家庭環境改善了很多, 沒有必要再領取贍養費的話, 你是可以向法官申請要求覆核的.

不過, 作為一個男人來說, 前妻的女兒總算是他的親骨肉, 如果現在連一點小小的贍養費都不予的話, 我相信日後那個女孩也不會樂意和你的先生相會吧, 可能你會覺得這樣是更好, 不過, 對男人來說, 「不負責任」是一個很重的罪名.

Peter -

I salute to you .

December