貓貓發脾氣: (

本身屋企有兩隻貓. 佢地由細玩到大 相處融洽;
差唔多1年前其中1隻生病走左. 淨番隻大仔, 佢依家已經7歲幾.
琴日就新黎左1隻岩岩生完3日既貓女 仲有3隻貓b. 佢地就訓係個可以自由出入既紙皮箱度.
咁屋企隻大仔就好細膽. 琴晚佢見到新黎果4隻貓已經好驚. 因為屋企冇房 佢成晚訓左係我張床度(張床係上格床) 唔敢落床.
如是者佢琴晚到今日都冇食過野.
我同屋企人都成日上去安撫下佢. 亦都冇偏心新黎d貓.
佢仲好驚 對隻貓女好有警戒 甚至對我同屋企人都好有戒心, 摸佢都大叫. 佢呢兩日都好緊張.
我今日就嘗試係佢見唔到隻貓女既情況下抱佢去廚房食野. 點知隻貓女突然走去廚房. 隻貓女見到隻大仔就即刻發惡 打隻大仔 隻大仔即刻跑走 一路賴尿一路跑番上上格床, 又係咁大叫.

其實隻貓女係咪驚隻大仔搞d貓b所以發惡打佢?
屋企長時間得我1個. 屋企人夜晚先番. 但我有時都有野做離開屋企, 又驚佢地兩個打交, 我應該點?
唔該俾d建議我教下我應該點做. 十萬個感激!

依家問人借緊籠困住d新貓先. 希望隻大仔快d適應: (