係咪已經太遲?

今年識左個女仔，
佢大我一年，而且份人幾好，
而且都有好幾個男仔鍾意佢 (聽返黎既)，
最初見到佢都覺得冇咩野，
但同佢一班已經成個學期，
慢慢我覺得我開始幾掛住佢，
而且仲幾留意佢，
我都知道我係開始鍾意佢。

之前好多時放左學都同佢一齊食野，
並唔係兩個人，而係幾個人一齊，
我同佢關係唔算好，亦唔算差，
我咁講係因為平時返學果陣同佢得兩三句，
雖然有時在msn同佢就多野講d，
不過多數係講關於學校d野，
我都唔知係我唔想同佢講自己d野定係咩，
因為我之前有段幾唔開心既經歷，
所以我甚小同人講往事。

之前仲返學果陣就可以見到佢，
但見到佢果陣反而覺得冇咩野，
而家考完試，冇咩機會再見到佢，
就覺得有d傷心，
但佢近排打左d野，令到我唔知點，
內容係關於佢話佢鍾意人，
但就冇講到邊個。

1.我想知道佢咁講係唔係真?
2.我係咪應該要放棄?
3.我咁樣係咪已經太遲?