美國花費唔知幾多億去探索太空奧妙係咪想藉以促進軍事科技研究？

先請樓上嗰位無知既小朋友收番你嗰啲膚淺言論，如果你覺得咁講好有趣，我可以好誠實咁話你聽一啲都唔好笑，而且非常無聊。

樓主呢個問題經常都會有人問。老實講，美蘇兩國發展太空科技本來就係為左軍事目的。另外，要知道美蘇本來就唔識射火箭上太空，佢地係因為於二戰後攞晒德國發展既火箭科技先至大有作為，而德國之所以係火箭上有大成就亦完全係為左軍事目的。馮布朗支火箭本來叫A4，後尾改叫V2，係“復仇武器2號”既意思，由此可以見到納粹投入大力量於火箭完全只係為左軍事目的。

雖然軍事需要係美蘇研發火箭既主因之一，但唔係全部原因，兩國係另一方面的確係為左增進人類對自然既認識而探索太空。當然會有人反對我咁講，但反對既人肯定對美蘇兩國既太空探索既歷史及西方社會對知識探索既態度了解得極之不足。

有好多人都有一個好有趣既想法，做乜野，發展乜野，都問左有乜用先。繼而佢地就會認為任何一個人或組織做任何野背後都一定有一個好實際及功利既目的，所以的確有好多人認為美蘇兩個採索太空絕粹為軍事。呢個係中國人常見既想法，但西方人既哲學並非如此。無錯佢地做大量研究好多時係為左功利目的，但西方社會係承傳自2,500年前既希臘文化，而希臘人最鐘意探索知識，亦非常有成。現代西方社會自文藝復興後亦繼承左希臘人純粹探索知識既精神，呢啲就係科學精神。鬼佬為左探索知識，真係可以非常勞師動眾，甚至犧牲性命亦在所不惜，係西方世界，真正為探索知識而努力研究又真係有料到到既人會受被極度專重，即使佢既研究睇落無乜用都一樣，對於永遠實際既中國人來講呢樣野極難明白。以航空為例，到依家全世界仍極為尊敬俄國既齊奧爾科夫斯基(Ciolkowski)，尊佢為火箭學之父，但其實佢做過乜野咁巴閉﹖佢一支火箭都未射過，而且佢亦只係一個中學數學老師，而佢生活既年代甚至連飛機都未有。佢只係用工餘時間寫左本叫做《宇宙航行》既書。但由於書中提出左非常多與火箭飛行極重要既原理，而且亦提出左多非常優秀既火箭及飛機既氣動模形。簡單啲講即係有個好勁既Maths阿Sir吹水寫左本好勁既書，但就無做過實驗，亦完全對當時既社會進步毫無幫助。即使如此，由於齊奧爾科夫斯基本書真係勁到無人有，所以即使佢完全對火箭發展無實質建樹，佢仍然被尊為火箭之父。

西方對知識既態度就係咁，只要真正可以增進知識，即使嗰樣野幾難做都會有人支持及去推動，而背後唔一定會有實際目的。以小弟最尊敬崇拜既偉大天文物理學家卡爾．薩根(Carl Sagan)為例，佢點咁堅持推動探索太陽系既一系列太空船飛行﹖又點解佢會大力支持搵外星人既SETI計劃及拍攝一連十三輯既史詩式鉅製紀錄片《宇宙》﹖當然有人會話佢係想攞多啲經費先至要提出啲吸引眼球既建議，但上述幾個計劃除左SETI之外，其餘兩個都對推動人類知識既增長及普及科學有極重要既貢獻，所以即使薩根博士當初做既時候有人反對，但最終都有人明白佢既苦心，令佢偉大既理想得以實現，而人類亦因呢啲計劃而大開眼界。又係好簡單咁講，當你真正細心睇完《宇宙》，亦細心了解過薩根博士(佢已於1996年逝世)既生平後，你是否可以說服自己佢同埋佢既同事做咁多野完全係為左發展軍事﹖連丁點想為人類增進知識既想法及工夫都無﹖根本唔可能！即使蘇聯呢個獨裁暴政亦係太空站及金星探測兩個大範疇為人類帶來巨大既知識貢獻。所以過去幾十年人類既太空探索雖然有佢功利既地方，但亦真正為人類帶來極大進步，令我地既文明真正進入太空時代。

探索太空奧妙 ：並不是完全的為“想藉以促進軍事科技研究？”在今天的科學時代，所有的科學探索——都是為人類生存發展的未來。當2000—2005年美國科學家完整的論証了《生命的起源》…科學己為人類展示前進方向及美好前景。〔天地二氣〕創造万物，天有多大。不探索太空奧妙，人類能眞正的了解地有多廣？！地磁埸的力量、大自然的威力…！軍事科技研究只是國家之間一種相克約的力量，在人類科學進化的歩途中，起着重要的作用。供参考。

唔係!

佢衹係想寫一本80日環遊太空, 想攞些少資料咁啫!

咪咁心多啦!

2011-06-17 23:21:10 補充：
哈哈! steventtw20 兄

yiu pong 一定會好你...!!