我今年15歲 , f.3升f.4
最近同左個男仔一齊個幾月(first time) , 唔同學校既 , 一直都冇比媽發現
我覺得我f.3學期尾先黎拍拖都算係咁... 之直都已經ignore左幾個><
不過呢兩日佢摷過我間房 , 好似知道左我有拍拖 , 係度問長問短(唔直接)
一時又話唔好拍拖住 , 一時又話拍拖要同佢講 , 都唔知佢會點
我真係唔想比佢知 , 我平日已經冇傾電話 , 又唔係成日見(一星期一次,仲要係weekend)
同佢一齊左之後 佢都冇影響我既學業 , 反而令我更比心機温書!!
但我都係好怕比呀媽知 , 有咩方法可以隱瞞令佢唔好懷疑我?
幫幫手><!!!
開始被媽媽懷疑拍拖,點算??
2011-06-16 11:05 pm
回答 (2)
2011-06-26 12:21 am
✔ 最佳答案
你媽咪驚你拍拖, 除咗怕你拍拖會影響學業 (拍拖會掛住講電話同去街,變咗冇時間讀書! 大吉利是講句, 萬一你同條仔散咗, 唔好話讀書,
隨時連做人都冇哂心機)!
佢最怕係你受唔住你條仔嘅誘惑, 做咗一啲唔應該做嘅嘢,
萬一你有咗, 咁你就邊度都唔駛去, 未讀完書就要做未婚媽媽!
唔只你屋企人冇面, 你以後條路仲會好難行!
當然你依家係唔會明白你媽咪嘅心態, 到你第日做人媽咪先至會明!
入番正題. 佢去摷你間房, 可能係你拍拖之後嘅行為同以前唔同, 所以
令佢懷疑, 要對住你問長問短! 既然你咁怕俾佢知, 一於嚟個死口唔認!
同時搵吓間房有冇拍拖嘅證據, 有就搵地方收好, 唔好俾佢搵到!
不過我想你顧吓你條仔嘅感受! 如果你哋繼續要玩地下情, 咁以後即係
平日仍然冇傾得電話 , 又要一星期先見一次, 佢會唔會覺得唔開心啊!
因住佢頂唔順要同你分手! 你都係問清楚你條仔嘅心意先啦!
如果拍拖一段日子之後, 你嘅學業真係冇退步, 同條仔感情又穩定咗,
不妨公開俾你屋企人知, 咁你哋以係就可以光明正大講電話同去街,
唔駛再偷偷摸摸! 咁樣拍拖一定會開心好多!
希望幫到你
2011-06-17 2:42 am
收錄日期: 2021-04-13 18:02:49
原文連結 [永久失效]:
https://hk.answers.yahoo.com/question/index?qid=20110616000051KK00421