開公司幫人轉帳,犯法嗎?20點~

你咁做嘅話, 我包你有以下3個後果:
1. 你個公司戶口喺兩個月內會被取消
2. 你個私人戶口亦會被凍結
3. 之後你去第二間銀行無論公司或私人你都唔會再開到戶口
香港有好嚴緊嘅防洗黑錢法例及指引. 呢d指引係所有銀行、接受存款公司、找換店、保險公司、基金公司、律師、會計師、地產代理都要嚴格遵守嘅. 唔講其他, 淨係講銀行, 除非你有找換店牌, 否則一間公司不斷有錢入有錢出, 銀行電腦會響警號, 跟住會有 "專人" 服待你戶口, "服務" 包括查你公司background, 查吓入錢俾你嘅人 / 公司嘅background, 同埋將你戶口上報金管局同警察. 之後警察會查你係咪幫人洗黑錢. 如果你d客其中有人係做非法嘢, 咁你就係幫人洗黑錢(不論你情與否), 坐硬監. 就算你d客無人做非法嘢, 你d錢出出入入唔留喺戶口, 銀行無錢賺及怕麻煩, 都會取消你公司戶口. 由於你係公司戶口負責人, 銀行會取消埋你私人戶口, 並通報銀行公會及信貸資料公司, 將你列做 suspicious case. 咁以後你去任何銀行, 無論公司或私人你都唔會再開到戶口.
正經人家 / 公司, 又使乜經你公司將錢轉帳呀??!!,