解夢..我想問d野 - Ans.fyi 參考答案

解夢..我想問d野

2011-06-14 10:15 pm

我之前發左一個幾個意既夢...一開始我係一個周圍到有貨櫃既地方(我未見過既)之後呢我好似識隱形咁既,因為我見到有兩個人(一男一女)追住另一個人(三人隻手都有一把手槍),之後我就追埋一分,個陣我覺刺激仲諗被追個個死更啦.之後我追住被追個個,發現左佢(呢)埋左,原來佢睇唔到我(我先知自己識隱身)之後我就用一個唔知既機械,叫左個一男一女黎,之後一人一槍,被追個個就咁死左,之後佢地兩個同我講野仲見到我喎,佢地話喂,我地又殺多個啦(好似有錢賺咁既),之後講左d咩我唔記得左- -講講下我見到有一個女人係我地前邊經過,之後我覺得好驚仲心諗佢好似見到我喎,之後個女人伸把激光槍出黎,蕉一聲,之後我閃開左,我後邊既貨櫃即刻出左一個大洞,之後我就轉身跑,我唔知點解好似好熟地方咁,專走埋我同我既朋友既路線,個女人好似機械人咁好蠢既,之後走左冇幾耐就安全了,之後我個朋友話點解佢見到你既,之後我就訓左....(呢個夢好似發一次,唔知關唔關事)

更新1:

哦...咁炸....咁如果我夢入邊係一個好似旺角咁多人既地方,個陣我岩岩過完條馬路就有人叫我,之後我轉頭一望好似冇無人叫我喎,之後把聲仲係度,我就四周望一下,點知都係冇發現,之後我就聽到係上邊呀,我先向上望見到一個好耐冇見到既女仔,之後佢仲話你以後呢個鐘數係呢度等我啦,我等緊你架,之後我就唔知去左邊度,其餘個d我就唔記得左了,咁又係咩意思?

更新2:

咁最後啦有d夢有意思有d夢又冇特別意思,咁點分架?,係咪只係連續發幾次同樣夢,個d夢先有意思架?

回答 (1)

用戶10940

2011-06-14 11:20 pm

✔ 最佳答案

好多d警匪鎗戰片,或者d特務追殺之類的片集電影,那些槍戰追殺埸地,都喜歡發生在貨櫃埸或者廢車場的,你只係以前睇過呢類影片,或者玩過呢類差不多的電腦遊戲,記憶片段存在腦中,咁就代入左夢中出現吧!

雖然你講得夢境好詳細,但你無問到野喎?
其實無乜野的,你一定好喜歡睇呢類影片或者遊戲,因此你在半睡半醒之中,腦中思想代入了回憶的故事片段,再重新組合而出現夢境之中,所以就混合了隱形,槍戰,為錢追殺,機械人,激光槍,等等情節了!

2011-06-16 09:53:16 補充：
如果你夢到在好繁忙的地方有人叫你,但四圍都唔見人,後來見到一個無見好耐的女仔在上面,叫你以後同一時間地點等佢,
咁即係代表你內心寂寞,雖然身邊好多人都無乜啱傾的,同時你內心好希望再有機會見到呢個女仔!

2011-06-17 14:44:14 補充：
傻啦,點樣分當然係靠你自己的感覺啦,我唔係你,又點知道你邊個夢有意思邊個夢無意思呢?
就好似我地平時同人講野,都唔係句句都有意思啦,邊句係正經有意義,邊句係亂咁吹水,都一定係要靠自己去分析清楚啦!
其實多數夢都係你過去回憶中的片斷,再混合你的希望或者幻想,斷斷續續的在夢中出現,並非一定有乜特別意思的!

參考: 我的回應, 我的意見

👍 0 👎 0