有邊間學校收中4轉校生?(20點)

試下高中書院, 多數人來自不同學校, 不似其他學校, 大部分人由中三直升中四, 插班生會比較礙眼或被同學疏離.有d直資既不過要交d學費, 不過相信貴唔得過英皇/現代掛, 如果你中三成績唔差, 不妨一試:
http://www.sfc-plk.edu.hk/plk/sfc/home/view.html?cid=124471366796906&parentid=115007704403006
http://www.cccklc.edu.hk/application.htm

再唔係, 可以直接找教育局詢問邊間津校官校中學有位. 佢地可以轉介你去. 各分區本月剩餘學額. 中四都有好多位架, 一定會搵到學校收你架:
http://www.edb.gov.hk/FileManager/TC/Content_725/vacancy5_2011_sc.pdf
搵返你就近個區, 打個電話去問下先啦:
http://www.edb.gov.hk/index.aspx?nodeID=234&langno=2

係, 你會拎住中三既成績表去見學校.

在下知道有d學生亦係因病或更差, 係犯左事, 冇返學一段日子, 想再返時, 會用d藉口例如有d事去左外國親戚度, 或者係學期中去外國 e.g. 澳洲讀書但唔適應, 讀左一個月就冇讀, 或中三後想做野, 但而家想讀番書... 之類既, 同其他人交待. 但係教育局就好可能查得到你曾經有讀中四, 所以呢d籍口見私校/直資就可能得, 津校官校都係如實講好d. 而且, 如果人地問你工作做邊行, 做成點, 其實你冇做過, 可以過關咩? 人地教左咁多年書, 你係咪講大話係識得睇架, 比人睇穿咪仲衰多樣野...

問心, 冇咩學校冇欺凌, 只係視乎程度. 很可惜通常成績冇咁好既學校會嚴重d, 不過, 仲好睇學生之間既互動. 你自己要堅強d, 唔好比人蝦到, 其他事不在你控制範圍都冇計. 人生不能總是逃避, 你出到社會都會面對呢d事, 慢慢學, 唔使怕.

在下見你一句 "好想認真甘讀書", 真係好感動. 你要重新出發, 比心機呀! 祝福你!

2011-06-23 11:30:48 補充：
中4既重讀生當然唔係問題啦, 好多學校都總有d人唔揀升新高中, 所以中四有位剩既情況都好普遍, 當然會收外來生.

情緒病如果keep住食藥, 控制得好, 甚至康復, 返學都冇咩問題, 可以同其他學生一樣呵. 在下知道其實好多學校, 就算band 1 都有呢類學生, 不過基於保護同學的私隱和避免被老師標籤, 被同學疏離, 所以只有校長, 班主任同埋社工係知情, 其他教職員係唔知既.

2011-06-23 11:34:18 補充：
個d學校會不會怕麻煩, 唔收你, 在下可以直接d話, 多你一個唔多. 至於真正見學校時, 點樣講會好d, 在下建議你返去舊校搵幫手. 例如以前中三, 中四既班主任, 曾經幫過你既輔導老師 / 社工, 或者由醫院/診所轉介既社工等人, 比d意見你. 如果你去教育局搵位, 佢地係一定要安排你入學架, 一間唔收咪問過第二間囉.

2011-06-24 09:17:47 補充：
首先你要咁諗, 老師勸你返學, 一來係職責所在, 二來都係因為佢地關心你, 為你著想. 而你唔返呢, 亦有你既理由, 尤其是你當時有情緒病. 如果你真係有令到佢地好失望, 只係反映一樣野: [其實佢地好著緊你]. 而家你想讀返書, 即係佢地唔使再失望啦, 你咁識諗, 佢地會原諒你架, 唔會因此而唔鍾意你, 係咪? 坦白同佢地講, 唔肯返呢一間學校係因為同學欺凌? 想轉校係因為想讀好書? 不論結果老師有冇幫你, 你都可以比佢地知到你而家咁生性吖, 佢地會覺得安慰既. 如果老師肯幫你寫推薦信就更容易轉校.

2011-06-24 09:28:32 補充：
7月? 冇錯係咁上下啦. 你站係學校立場諗下, 而家學校多數考緊試/剛剛考完試, 計緊總成績, 當然要處理晒自己d學生升級/留級, 或者退學既事, 先至知道中四有冇位/有幾多個位, 先至答到你. 7月到9月開學仲有咁多時間, 你唔使咁心急, 睇定d先.

唔使擔心, 在下之前提過, 教育局係一定要同你搵到位為止, 問好多學校都話冇既話, 叫教局轉介囉. 因為高中係免費教育一部分, 係你既權利.

2011-06-24 09:37:37 補充：
直資中學列表
http://www.edb.gov.hk/FileManager/TC/Content_1579/ndss%20list%202009-11.pdf

2011-06-24 10:01:27 補充：
福建中學和迦南書院聽聞校風ok, 老師大抵不錯, 有人話大約band1-2左右, 唔知插班難度. 其他直資好多都係band 1, 你可能會讀得辛苦.

邊間中學的中4有人退學就去那閒囉!

無返學係你的致命傷，缺席太多係好難轉校，你如果拎中3張成績去見，d學校又會問你中三讀完後去左邊度，點解唔讀落去。點解......?????
更有d學校聽到你有情緒病已經一定唔收喇，佢地怕麻煩，唔想放的太多時間係呢d學生身上，講得衰d佢地唔知你幾時會閙情緒問題，而增添佢d麻煩。
你試下滙賢呢間私校，我係度讀嘅時候都有d同你一樣問題，學校有足夠溝通機會同時間，幫到佢地。