區域法院旁聽

公眾可自由到法庭旁聽, 冇需要咩條件. 首先你可到以下網址查看各級法庭每日的案件審訉時間:http://www.judiciary .gov.hk/tc/crt_lists /daily_caulist.htm1. 在高等法院及地方法院, 每個法庭門口都有個牌, 列明該案的旁聽分類:"法庭聆訉(公開) / Open Court (Open to Public)" – 代表公眾人仕可自由入庭旁聽"內庭聆訉(公開) / Chambers Hearing (Open to Public)" - 代表公眾人仕可自由入庭旁聽

"内庭聆訉(非公開) / Chambers Hearing (Not Open to Public)" - 與案無關人仕(包括犯人家屬)不得入內"法庭聆訉(公開)"係正式審訊. 所有公眾人仕皆可旁聽.
"内庭聆訉(公開)"通常係處理一d法律上嘅程序問題. 公眾人仕亦可旁聽.
"内庭聆訉(非公開)" 通常係處理一d犯人嘅犯人問題.與案無關人仕(包括犯人家屬)不得入內.見到 “非公開” 就唔好入啦! 2. . 無人會問你做咩旁聽. 3. 無位就行番出嚟, 又或者企喺門口旁邊. 一般高院大約可容納60人旁聽 (連記者), 地院大約70人.

4. 你係可以預早 / 中途進場、 離場的. 但每次進場 / 離場記得向法官鞠躬. (其實唔鞠躬佢都唔得閒理你, 唔會蔑視法庭咁大劑嘅. 但鞠個躬又唔阻你時間, 你去人屋企入屋 / 走前都講聲啦!)

其他要點:
旁聽可以筆錄. 但不可以用錄音機或影相.服飾: 法庭並無規定旁聽人仕的服裝. T-Shirt, 牛仔褲, 波鞋, 短褲, 人字拖都無問題. 好多法庭記者都係著牛仔褲波鞋. 但法庭始終係一個莊嚴地方, 著得整齊係代表對法庭嘅尊重, 亦係尊重自巳. 所以太暴露, 太標奇立異, 人字拖, 無袖阿伯底衫、bra-top、熱褲就可免則免啦.言行: 在庭内要保持肅靜, 唔好同朋友傾計. 唔准食嘢、飲嘢、睇書報同咬香口膠. 入法庭前要除帽, 盡量唔好帶年幼小朋友到法庭. 記得要關上手提電話同call機

香港各級法庭都是公開審案的，市民可入內旁聽，法庭有大有細，座位是先到先得，額滿即止；
旁聽要遵守法庭規矩：出入法庭要向法官鞠躬、關手機和傳呼機、不准攝影和錄音，不准喧嘩等等；違規會被控蔑視法庭罪。