到底係咪我有錯？

事緣星期六晚，我因為有oD事要o係深圳過夜，於是我o個晚o係一間酒店度訓。到星期日大約十二點左右，我就o係我間房搭升降機去地下，準備check out。我間房o係9樓，可能因為食飯時間，每層都有人入升降機，去到2樓o個陣，升降機已經無乜位。呢個時候，有個拎住拐杖o既男人（睇佢面型衣著應該係大陸人），拖住箱行李，強行入升降機。佢個人入到但係個行李箱入唔到，就叫人行入oD，跟本呢個時候就已經無位，於是有個女人同佢講：「無位la，點行入oD呀？」，個男人唔理，仲目露兇光咁企o係度望住企佢前面o既男人，於是升降機度門就閂唔到，因為夾住佢個行李箱。有兩個男人見到咁o既情況，於是自己行出部升降機，等個男人可拖個行李箱入升降機。升降機度門終於都閂得埋，但係唔知個男人係咪好多日無沖涼，攪到部升降機好臭，個個都「暗」住個鼻！最過份係，升降機落到地下之後，剛才同佢理論個女人首先行山部升降機，個男人居然用佢手上支拐杖篤個女人隻腳。個女人無埋佢，走o左，但係o係升降機最後排o既我真係忍唔住，於是我大鬧佢一句：「攪錯呀你！」點知仲o係部升降機o既個個都望住我，包括一oD香港人（我相信係香港人，因為係講純正廣港東話）我本來仲想繼續鬧個男人，但係我見個個都咁望住我，好似我有錯咁，攪到我唔敢再鬧落去到底係咪我錯？個男人有小小行動不便，無錯我o地或者應該對佢有oD禮讓，但係佢咁o既態度，仲要用拐杖篤個女人，咁都要忍？