有關儲蓄 (提供收入消費等請幫我計算該儲蓄多少)

其實因為你比的資料淨動性太大 (3000-6000), 爭一倍
所以都幾難計算
若以中位數4500去計算
約有3200剩, 當一半係俾屋企
儲1000應該都合適
但實際儲幾多最好能幫你仔細分析後再決定

你可以email俾我, 在提問者隔離係我的用戶名 (ty****)
按下去後, 在左手邊有寫信給我的地方
再按下去便可email我了, 到時再詳細傾

hello.
我睇返你之前d發問, 我諗你應該係18歲左右, 啱啱出黎做緊野, 所以收入唔穩定。不過你真係好有心, 好鍚你屋企人, 你未有穩定既經濟, 已經諗儲錢同照顧屋企, 真係好難得。不過你收入重未穩定, 你只能夠做到固定自己每個月儲幾錢, 規範住自己, 但未能夠做到投資性既儲蓄。

所以我建議你每個月人工扣除$500(鬆動錢), 餘額用1/3, 儲1/3, 家用1/3 (如果你者時未需要比家用住, 可先儲起)。將來搵到份穩定既工作時, 可以做返d投資性儲蓄, 如月供基金, 每個月八百蚊起, 黎增值同抗通脹。

另外, 其實保險係理財策劃既一欄, 保障自己同屋企人既財產同生活, 所以建議你暫時可以先做份小額保險, 只係百幾蚊一個月, 為自己做左個保障先。

希望可以幫到你。=)

從你給我的資料
得出以下分配,

俾屋企: 1800
消費: 1300
儲蓄: 900
保險: 225

可以考慮掉轉一下你條算式，改為：

收入﹣家用﹣消費＝儲蓄

因為你收入唔太多，太勉強儲蓄亦唔理想，所以初期可先每月計算自己可以儲蓄幾多錢。最緊要養成儲蓄習慣，每月能儲＄300都好過冇。

日後等收入增加，先至將公式改為：

收入﹣家用﹣儲蓄＝消費

到時就可以定額儲蓄，轉而計算每月可以消費幾多，再持之以恆就最好。要投資，買樓，創業咩都好，所有大計都係由儲蓄開始。祝工作順利。