轉校之後的問題
轉校係因為有D壞學生放學之後搞我, 所以轉校。
係之前果間我次次都好好成績, 難怪D人妒忌,
果單野搞到上差館, (敏感過頭)
其實一直轉左校有D 壓力, 想網友開解下,
首先, 我覺得自己轉校之後心理上有D 唔正常:
1. 果單野之後好怕見到果D人, 做錯係佢地, 但唔知點解係我怕佢唔係佢怕我。
2. 我好怕比人知之前學校D野, 就算成績好, 都唔想比佢地知。
3. 我想見番之前學校D 同學(好同學當然), 但又怕番學校見番果D 友。又唔想約佢地出去, 怕知到我住邊。
4. 我轉左校起我就話我唔係香港, 到E+ 佢地仲信梗, 係米應該講番比佢地知? 但我又唔信得過佢地, 怕會唔小心講左出黎, 果D 友又黎煩我。唔講如果係街見到甘點算?
5. 其實之前學校D人坐巴士的地方好近我E+住果到, 我係日日勁早起身希望唔好見到佢地, 甘係米合適既做法呢?
多謝網友的解答!
轉校之後的問題 (15)
2011-06-11 8:58 am
回答 (2)
2011-06-13 2:09 am
✔ 最佳答案
1. 你怕佢哋, 係因為你怕再俾佢哋搞多一次! 我有啲唔明, 既然搞到上差館,點解佢哋仲可以消遙法外! 差佬冇可能24小時保護你, 你怕佢哋報復係
好正常! 但你要知道, 你係唔可以一世都係咁驚, 你精神會負荷唔到!
2. 你怕比人知之前學校嘅嘢係好正常, 始終俾人搞都唔係光彩嘅嘢!
你只要唔好介紹以前嘅同學俾新嘅同學認識, 咁應該問題唔大!
不過就算唔小心俾新同學知, 其實影響唔大, 始終你先係受害者!
3. 我覺得你唔好搵番以前嘅同學比較好! 唔怕一萬, 只怕萬一,
你難保有人會口疏講俾佢哋知, 到時你就麻煩! 想要朋友嘅, 喺新學校搵啦!
只要你待人以誠, 無論去到邊度都會識到新朋友!
4. 同第3題一樣, 我覺得你唔好搵番以前嘅同學比較好! 如果係街見到以前
嘅同學, 你可以同佢哋講你嘅苦衷! 如果佢哋當你朋友, 自然會原諒你!
但要記住, 千祈唔好講你依家喺邊間學校同住喺邊! 費事班賤人搵你!
5. 暫時嚟講可以咁樣做, 到啲舊同學畢哂業, 撞到嘅機會就會細好多!
其實你嘅情況, 都算係"創傷後遺症"! 你驚一陣冇問題, 但唔可以驚一世!
如果你嘅情況繼續落去, 我覺得你應該同你阿爸阿媽商量一下,
睇吓佢哋可以點樣幫你, 情況嚴重嘅可能要去搵啲醫生幫吓你,
千祈唔好當我講笑, 我真係好認真! 祝你好運!
希望幫到你
2011-06-11 4:23 pm
你講比你好朋友你轉校原因，有個交代會好d
但叫佢地唔好講你現在在where讀，如果佢地是你的好朋友，
佢地一定唔會講出去，為了你好。
你轉了校應該開開心心學習，唔係的話你轉了校就浪費了心機
開心d la
但叫佢地唔好講你現在在where讀，如果佢地是你的好朋友，
佢地一定唔會講出去，為了你好。
你轉了校應該開開心心學習，唔係的話你轉了校就浪費了心機
開心d la
收錄日期: 2021-04-13 18:01:32
原文連結 [永久失效]:
https://hk.answers.yahoo.com/question/index?qid=20110611000051KK00057