形容詞 和 形容動詞 除了做句子時有不同之外 ,另怎樣分辨

首先，你做嘅例句第一句個「大きく」本身係「形容詞：大きい」，不過0係呢句嚟講佢已經變咗做「副詞」，而第二句只不過係「形容動詞」嘅「否定形」

至於「形容詞」＆「形容動詞」兩者在用法和形態上有以下分別：

形容詞：有D人會叫佢做「i 形形容詞」或「い形形容詞」，語尾部份最後一個字母一定係「い」字結尾；形容詞在時態或形態變化時，都係由呢個「い」字開始
現在式：～い
過去式：～かった
否定式：～くない
過去否定式：～くなかった
「形容詞」+「名詞」：不論任何時態或形態，都可以直接連接，中間無須再加任何東西
例如：「高い山」「おもしろかった映画」「寂しくない毎日」「難しくなかった試験」
「形容詞」變成「副詞」+「動詞」= 由「～い」變成「～く」+「動詞」
例如：「早く行きます」「遅く帰ります」等等

形容動詞：有D人會叫佢做「な形形容詞」，全組字母都係語幹；由於没有語尾關係，所以形容動詞要做變化時，就要另外加上其他字去協助改變（下面括號内係普通體）
現在式：+ です（ + だ）
過去式：+ でした（+ だった）
否定式：+ ではありません（+ ではない）
過去否定式：+ ではありませんでした（+ ではなかった）
「形容動詞」+「名詞」：只有現在式的情況要在中間加上「な」字
例如：「綺麗な花」「静かな教室」「親切な人」等等
不過在過去式・否定式及過去否定式時，由於要用普通體「だった」「ではない」及「ではなかった」先至可以連接「名詞」所以就無須再加任何字
注意：でした・ではありません・ではありませんでした 屬於終止形，後面將會係句號，所以係唔可以連接名詞
至於「形容動詞」+「動詞」就要中間加個「に」字，呢個做法同「名詞」+「動詞」係一様
例如：形容動詞：「綺麗に掃除します」、名詞：「先生になります」等等