我係唔係一個輸唔起既人

既然你問得有咩方法嚟改變你嘅諗法, 咁就代表你完全唔係輸唔起!
嗰啲剩係識得怨天尤人, 唔肯去諗吓點樣改善自己嘅先至係輸唔起!

你唔好怪我坦白, 你今次咁傷心嘅原因係你以為自己一定PASS到!
因為你平時讀書成績好勁, 所以你覺得個COURSE根本難你唔到,
點知自己PASS唔到不突止, 竟然比自己睇小嘅同學PASS咗,
兩重打擊之下, 當然會覺自己好失敗同傷心, 希望愈大, 失望愈大嘛!

首先你要明白, 呢個世界係唔會有人永遠都可以一路贏落去嘅!
睇吓嗰啲攞冠軍,攞金牌嘅運動員, 你睇到嘅係佢哋風光嘅一面,
其實佢哋係經過好多苦練, 曾經輸過好多比賽換番嚟嘅經驗!

所以你想成功, 第一樣就係要努力! 唔好睇小任何一個課程,
每個課程對你都係最好的訓練機會! 好似今次嘅失敗, 起碼可以
令你知道你係有弱點嘅, 而你下次就會克服好呢個弱點!

第二樣就係要輸得起! 如果嗰啲冠軍選手喺第一次失敗就放棄,
咁佢哋根本就唔會有成功呢一日! 輸唔緊要, 最緊要就大方!
不妨恭喜嗰個PASS咗嘅同學, 問吓佢今次有乜嘢成功嘅秘訣,
好好學習一下, 咁下次成功嘅就好大機會係你!

"失敗乃成功之母"! 其實你咁後生試過失敗反而係一件好事,
等你收起害人嘅"驕傲", 得到成功人士都會有嘅"虛心"!
最緊要記住, 你前面條路仲有好多俾你成功嘅機會!

希望幫到你

個問題系ｍｉｓｓ　到　：

１）　根本個COURSE吾適合你　／　
　　　吾系專長　：　（　吾系你自己想讀　）

２）　吾時間去溫書　：　
　　　你又要反學又要上　ｃｏｕｒｓｅ　

３）　加上你同學可能有低，
　　　一早識　左　　ｂａｓｉｃ　

你　ｆａｉｌ　又點，　
第時未必用得著／同工作冇關

羅左經驗就夠　，吾好著重成績冇意思　！　

再去考多次囉，遲啲你去學車考車都可能要考幾次，搵工做都係，呢個世界冇嘢多，最多嘅就係人，你唔去做一定有其他人做，所以你要有平常心，得失皆平常﹗