為何要電腦記憶體的容量，必須是2的倍數？

2011-06-10 1:03 am

✔ 最佳答案

現時電腦用的邏輯叫 BINARY LOGIC，即係只有兩個STATE，一同零，呢個係最小的記憶單位，叫一個 BINARY DIGITS,簡稱 BIT。即係中文叫的位元，可以存放一個1或0的數字。
咁有乜用？太小了！唔夠用，咪兩個拍住用，即係兩個BIT，變成可以代表00，01，10，11，四個方式，多一個位就變成四個組合，即係，每多一個BIT，組合方式就係乘二，所以就解答左你點解一定係2的倍數。
咁點解一條線只用二進？？只代表1或0？？唔代表多O的？？因為簡單。例如有電代表1，冇電就代表0，有電、冇電係十分準確，唔會含糊。呢種叫數碼方式（或數字方式）
例如CD光碟機，將聲音的大小用16個BIT代表，在光碟上以有點，和冇點，代表1同0，至於點的深度，大小就無關。以前黑膠唱片的紋路有深有淺，但幾深都只係近似，唔係絕對。以1同0代表可以好準確，唔含糊，讀出唱片的數字，可以複製，重播等，每次都一樣。