點解我會甘....超想死......

16歲男仔正常黎講應該係仲有得高的
你可以試下做多d運動
我識唔少男仔form 4暑假之後突然高左好多. 可能係打籃球@@
但係呢. 你太瘦既話做幾多運動都唔會點高嫁. 建議你吸收多d蛋白質~
不過一個人既高度或多或少都會受父母遺傳影響. 如果你父母本身唔係好矮既你應該仲有得高嫁!!! 趁暑假試下做多d運動啦!!
但係個度短呢我就真係唔知俾咩意見好抱歉._.

至於外貌問題. 我覺得其實唔係真係好影響你既未來= =
個人認為只要你俾人既感覺係舒服既就ok
你可以試下打扮一下. 但最緊要係襯你自己, 適合你既年紀同性格
無需要強行將一般人既標準套係自己身上嫁
再講. 依個真係你自己對自己既睇法
或者係朋友眼中你選係幾好樣呢?(起碼係正常樣
我想講天生可以有個正常樣已經係好大既祝福

同樣地, 你話你各方面都比唔上人都只係你自己既諗法
或者你可以嘗試多d唔同類型既活動, 拓展自己既興趣
好多時可能係你未搵到自己既興趣先好似無一個範疇係做得好咁
d人成日都話嫁啦. 你鐘意個樣野自然會俾心機, 俾心機做自然做得好
所以我諗你可以發展自己既興趣, 同時放多d心機係現有既工作上面, 咁可能可以獲得一d成功感
你今年16.. 或者可以試下係學校爭取多d唔同係職務試下
可能你會覺得自己無依方面既能力, 但係講真個句, 唔試又點知自己唔得呢?
就算係細既職務都試下, 唔單只可以幫你搵到自己既興趣, 識多d人, 仲可以令你清楚自己既長短處.. 姐係話. 通過參加多d活動, 識多d人, 你會發現自己唔係一無是處!!
每個人都有自己既長處同短處, 你淨係注重自己既短處就梗係睇唔到自己有咩長處啦. 當然會覺得自己無用, 好失敗
不過, 如果你可以放低自己對自己既成見, 俾自己多d機會去拓展自己的生活. 解除你自己建造既障礙, 你既人生可以好唔同!

我唔識你所以話唔到俾你聽你有咩長處, 但係我諗你既朋友都可以講得出
就算佢地話你不是. 只要你願意改, 依樣都會成為你既優點之一

你無做錯, 你媽媽都無錯
但係如果你咩都唔做淨係識得怨天尤人, 咁錯個個就係你

題外. 我都試過打完好大篇野差唔多要回答問題時禁錯制, 成篇野無哂, 但係我個陣係用緊電腦= = 咁我係咪好失敗x10啊?
日常生活中難免都會有出錯既時候嫁啦~ 何必將自己既焦點放係自己既錯誤但又唔做少少反省呢? 注意到自己係邊到做得唔好係岩, 但係都要留意埋自己係邊d位其實已經做得唔錯嫁~ 淨係著重係其中一方面都幫唔到你成長嫁!!

總括黎講啦. 你要做既唔應該淨係問點解自己咁失敗, 樣樣都好似好唔掂, 比唔上人.
而係俾心機發展自己既潛能, 諗下點樣可以改善依家既情況
同埋. 改變你自己本意既觀念, 要知道每個人都有自己既長處同埋短處
好好望清楚你自己啦, 或者可以借朋友依塊鏡黎望真d, 你會發現自己即使有幾多不足/缺點, 其實都有優點/長處嫁(:

ps. 因為打得好急, 有d位(其實係成篇?)好亂>< 希望你睇得明啦
如果有冒犯到既地方請見諒. 同時希望或多或少都可以幫到你啦!
anyway, 加油!

你可以參考以下網址
http://www.ComingZOO.com
http://www.PF23.com


我自己都去開, 希望可以幫到你~ ^T^
比我20分!

哥哥仔~ 雖然你係大過我(我12) 但係我覺得你做人好唔岩囉 點可以咁樣對自己姐? 如果有一日~ 你已經知道你做錯d咩 你可以改or重新再做過嫁啦 做人失敗(人人都會做到嫁啦) 都要接受下現實嫁 你自己話失敗就做番成功囉 你咁樣仲話想死 係唔係有問題d呀-__-? 你只係用ipad黎打野 唔小心禁錯制姐 有幾失敗呀? 唔覺囉 我依家人身夠慘囉 我老豆咁多病 醫生都治唔到 但係都要接受下嫁....唔可以亂黎囉
講真一句 你依家自己講完 唔算失敗 係你冇諗過要面對呢d困難 就想死 你諗下啦 你都會周街都見到呀伯 行路咁辛苦 佢地都要面對 唔好放棄自己囉
你細到大都有咁既未來-0-... 我覺得又係冇野囉 因為我覺得你細過個陣都冇諗過未來 先搞成咁 你依家慢慢諗番啦 睇時要做黎啦 仲有點解你打個篇文 你又唔早d去打呢- -? 搞到你呀媽已經block你電腦- - 之前就應該去做下啦
仲有 身高 16歲 100%冇得高又關失敗咩事呢-0-??? 點可以咁樣睇少自己呀~.~

2011-06-09 06:22:13 補充：
呢d唔值得死既~ 總之 唔好亂諗啦

做人邊可能咁灰架 做咩都可以用唔同角度去唸架嘛
你用ipad禁錯制要咩都再打過 你可以將佢唸成你可以有多個機會去練下打字嘛
如果你用手寫既 咁就當你可以當練習下寫令啲字 唔洗下下都唸到咁極端架

我以前唸野都好灰架 但係用唔同角度去唸野之後 個人開心左好多 仲要識多啲朋友

你個度短又唔係罪 你可能充血之後長好多呢xDD 係咪?

同埋丫 你依家考緊試毫唔好唸咁多呢啲野住 考好個試先 之後暑期 兩個月時俾你慢慢開心返 依家最緊要係開心返 考好個試

如果想搵人傾偈你可以搵我架 我俾我e-mail你拉 係e-mail再俾我msn你拉 [email protected]

笑下拉=]

2011-06-08 21:41:18 補充：
依家最緊要係唔好唸咁多 有少少語無倫次添xDD

你應該睇開D........其實我同你一樣,我都覺得自己好冇用,我見到人地又拉小提琴又唱歌,自己就咩野都唔識,我都覺得自己完完全全係一個廢人,根本唔死都冇用,再加上我老豆由我細個開始至到依家都一直話我係垃圾、廢物,我真係好想死,連自己老豆都咁講........

番到學校又要比人哈,D人成日都攞我著數,唔就範就起勢咁嘈,真係..........我都經歷過一段我認為比死更慘既經歷,一個細過我既人見到我比我老豆話就企起一二角陰陰咀笑,明明佢打我佢又講到係我打佢,我有澄清但係我老豆又唔信我,起戈段時間我真係試過攞住把刀放起個手腕到諗住自殺.....

後來我諗通左,一切都係我老師既功勞,係我老師教識我,你成績差,你蠢,你冇用唔係罪過,但係你唔肯努力,唔肯去學就係罪過,雖然我成績一向都好好,但係如果唔係我老師講左呢番說話,我諗我會一直咁懶落去,考試都唔溫書......

記住「天生我才必有用」呢句說話,你再冇用,都一定有你既專長,好似我咁丫,最起碼我跑步快,都話可以入到田徑隊,試下多方面發展,你一定搵到你既專長。哥哥要加油唷~(其實我只係一個細你5年既女仔,不過你應該唔會信....)

其實你話想死好失敗呢d我之前都有諗過,
甚至我有試都會諗:世界末日快d離咪吾使煩之類...
你講嘅禁錯制搞到成篇文都要打過其實我都試過,
吾係因為你失敗,而係因為我地都係人,
做錯野係一定會有,只係睇你點去面對.
而且我睇你好似好介意自己嘅外貌,
但係其實吾係個個人都係睇樣先同你做朋友或者點,
我學校有個女仔好肥但係佢有好多同性同異性朋友係因為佢樂觀,
既然你話自己邊度吾夠人地好,不如諗下點改變自己,令自己樂觀d
我諗你就算點自卑都好應該都會有朋友嘅,同佢地傾下囉;]
又或者講吾出/真係冇真心朋友,
你咪嘗試去搵可以做自己覺得有意義/要生存落去嘅事,
好似我咁,我係band1讀書成績吾好,都試過好似你咁覺得自己咩都比吾上人,
但係後未我係網上認識到一隊樂隊,佢地令我有左生存落去嘅目標
其實幸運呢兩個你又使乜睇得咁重!?你有ipad我冇吾通我又係不幸!?xp
所以吾好咁睇低自己,樂觀d就會發現自己係無想像中咁差架啦;]
祝你好運.v.

咪咁傻啦,咁都想死就好多人都要去死咯!
做人最緊要對自己有信心,外表高d矮d唔係好大問題,你都唔萛好矮細好醜怪吖!
而且16歲仲未高定,少年人瘦好過肥,只要食多d營養,做多d運動,到20歲可能會高大好多的了!
你只係對自己無信心又自卑,所以想埋一邊,其實你無乜野唔妥喎!

只要你讀書勤力d,做野細心d,就一定會進步的,如果自己都睇死自己,咁真係唔衰都幾難咯!
你睇曾志偉又矮又唔靚仔,都一樣叻過威過d靚仔港男啦,王祖藍都矮細啦,都紅左仲有靚女喜愛佢添!
所以做人最重要係唔好自卑,只要對自己有信心,肯努力上進的話,不論高矮肥瘦都一樣可以出人頭地的呀!