如何對付不願工作的人
2011-06-08 8:00 am
公司有個同事uncle, 他本身有偏執型人格障礙, 已經難相處, 加上他為人很懶, 你一走過去他的位置就扮工作中, 叫他工作就會說歪理, 總是想辦法不用工作, 又惡, 連老闆也怕了他. 在兩年曾因請不到人, 只有我跟他兩個職員, 他什麼都不願做, 老闆就把所有工作就給我一人負責, 使我一人做三人的工作, 天天加班至9點, 中午連午飯也沒時間吃, 足足持續一個月, 很辛苦才請到人幫手, 唉~ 但是, 其實是請人回來替他工作, 他依然天天呆在公司上網, 有時只會問新請回來的同事有什麼工作要做, 只是問不會做, 就算全公司的人有多忙, 他依然不理不看, 大家都知他是不願工作的人. 後期連那位新請回來的同事也學他這般懶, 時時都要我善後, 所以我依然忙著工作, 老闆時常看見他們都很休閒, 沒太多工作要做, 所以都會覺得我也跟他們一樣休閒. 現在那位新請回來的同事要走了, 我正擔憂如何時好, 因老闆不再請人, 我怕又回到天天加班的日子. 我想知道如何可以迫使uncle工作?
回答 (5)
2011-06-13 7:59 am
✔ 最佳答案
如何對付不願工作的人. 筆者個人的淺見: 1.) 工作人員, 執行上級的指令, 只需向上級負責。在企業內, 上級委派工作, 下屬執行完成, 這是份內的任務; 其他人士, 若對分配工作量不公, 應對上級反映實況。2.) 工作過多的問題。應該禮貌地請教上司如何處理; 如: 陳經理, 我想聽聽你的意見, 我手上工作A、B、C、D…………., 優先完成的次序。
參考: 月光光
2011-06-12 1:29 am
你唔係老闆,無權炒佢,你唔係佢上司,你鬧佢佢話你無知.有責任對付這種人的是你老闆/上司而不是你.
你只可以向公司反映有關工作分配不平均問題.反映問題一段時間後如果仍然無改善,你有兩條路行:(1)啞忍(2)辭職.但絕對唔好同其他同事一樣咁懶,除非你是個無恥的人渣.
你只可以向公司反映有關工作分配不平均問題.反映問題一段時間後如果仍然無改善,你有兩條路行:(1)啞忍(2)辭職.但絕對唔好同其他同事一樣咁懶,除非你是個無恥的人渣.
2011-06-11 8:29 am
俗語語:「本性難移」你如果有能力改變佢就一早改變咗啦! 其實要改變的人係你老闆，究竟呢位uncle是不是皇親國戚呢! 如果係你就無計，唔係的話你都可以做D嘢.
你另一位同事走，即係部門只得你一個人做嘢，你可以要求老闆先發信警告Uncle, 如果死性不改就先出警告信後抄咗佢。
但有兩點你要注意:
Boss - 如果唔係皇親國戚, 你老闆都唔抄佢都係怕要補一批錢，其實你可以解釋俾老闆知，條數都係一樣咁計，長期服務金可以向積金局對沖大部份。補一個月通知金也不是壞事，如果請咗一位做野的人返嚟公司就叫有錢賺。你夠膽的話可以以自己就籌碼，即佢唔郁佢就自己郁自己。
Uncle 要俾佢知道自己問題是什麼，公司可以給予機會。但係懶懶閒可以叫佢坐一個月冷板凳，一來取不到多一個月薪金，仲唔可以出街見工都幾慘。
你另一位同事走，即係部門只得你一個人做嘢，你可以要求老闆先發信警告Uncle, 如果死性不改就先出警告信後抄咗佢。
但有兩點你要注意:
Boss - 如果唔係皇親國戚, 你老闆都唔抄佢都係怕要補一批錢，其實你可以解釋俾老闆知，條數都係一樣咁計，長期服務金可以向積金局對沖大部份。補一個月通知金也不是壞事，如果請咗一位做野的人返嚟公司就叫有錢賺。你夠膽的話可以以自己就籌碼，即佢唔郁佢就自己郁自己。
Uncle 要俾佢知道自己問題是什麼，公司可以給予機會。但係懶懶閒可以叫佢坐一個月冷板凳，一來取不到多一個月薪金，仲唔可以出街見工都幾慘。
2011-06-11 7:03 am
絕水絕糧....................
2011-06-09 7:46 am
那個叔叔聰明啦, 識得用欺善怕惡的招數....
對於呢亭人呢....
1. 癲狗出籠. 你日日返到去就好似癲狗一樣鬧佢就ok啦, 最好就係粗口橫飛, 只要唔動手打人就咩都講得, 完全唔駛同佢講道理的. 就算鬧佢唔聽, 至少你都算是出左口氣.
2. 理得佢死. 你只做自己的功夫, 做唔掂的file就兜口兜面放在他的桌上, 佢做唔完都唔好幫.
3. 較腳走人. 老闆如果問你點解唔幫手的話, 你就同佢講「你將佢份糧出埋俾我先啦」, 通常老闆聽到就實會發爛渣的, 你就可以趁機同佢攤牌, 問佢想留個廢柴邋是留個做得野的人, 如果老闆是決定留個廢柴的話, 你就好趁早閃啦, 講真你只係收左一份人工, 沒必要幫那個叔叔做義工的.
就好似我做的兼職一樣, 那家快餐店賣行廣告話自己有外賣服務, 不過又孤寒唔用綿羊 (因為綿羊是外判公司的, 判個order出去就要俾錢人), 結果就要叫企堂那個傻瓜 (即是我囉) 去送外賣. 嗱, 我就醒啦, 經理叫我去咩, 我就話俾佢聽「大堂無伙計囉, 麻煩你幫我頂一頂, 我依家出去送外賣啦」, 一支箭就行左出去, 話知佢鋪頭入面是死人還是冧樓, 有句說話叫「無眼屎就乾淨盲」, 你當睇佢唔到就得啦, 你又唔係老細, 做野做自己本份就夠了.
對於呢亭人呢....
1. 癲狗出籠. 你日日返到去就好似癲狗一樣鬧佢就ok啦, 最好就係粗口橫飛, 只要唔動手打人就咩都講得, 完全唔駛同佢講道理的. 就算鬧佢唔聽, 至少你都算是出左口氣.
2. 理得佢死. 你只做自己的功夫, 做唔掂的file就兜口兜面放在他的桌上, 佢做唔完都唔好幫.
3. 較腳走人. 老闆如果問你點解唔幫手的話, 你就同佢講「你將佢份糧出埋俾我先啦」, 通常老闆聽到就實會發爛渣的, 你就可以趁機同佢攤牌, 問佢想留個廢柴邋是留個做得野的人, 如果老闆是決定留個廢柴的話, 你就好趁早閃啦, 講真你只係收左一份人工, 沒必要幫那個叔叔做義工的.
就好似我做的兼職一樣, 那家快餐店賣行廣告話自己有外賣服務, 不過又孤寒唔用綿羊 (因為綿羊是外判公司的, 判個order出去就要俾錢人), 結果就要叫企堂那個傻瓜 (即是我囉) 去送外賣. 嗱, 我就醒啦, 經理叫我去咩, 我就話俾佢聽「大堂無伙計囉, 麻煩你幫我頂一頂, 我依家出去送外賣啦」, 一支箭就行左出去, 話知佢鋪頭入面是死人還是冧樓, 有句說話叫「無眼屎就乾淨盲」, 你當睇佢唔到就得啦, 你又唔係老細, 做野做自己本份就夠了.
收錄日期: 2021-04-20 00:44:21
原文連結 [永久失效]:
https://hk.answers.yahoo.com/question/index?qid=20110608000051KK00001