對法律有認識既就幫幫手(刑事）

1. 無統計. 強姦係最難打嘅案, 因為通常只有兩個人, 無獨立証人, 你話強姦, 佢話自願, 口同鼻拗. 只有睇陪審員信邊個. 我做過單太極師父強姦案, 個犯自辯, 無大狀, 講到自己因協辦京奧得罪人所以陳方安生出手搞佢, 揾投訴人屈佢強姦…天方夜譚! 但居然甩咗…2. 法律並無“飲醉”定義, 只睇當時投訴人能否對事物自行作出決定.3. 你說有其他証人, 那係有人見到你朋交同個女仔嘻嘻哈哈, 而個女仔係清醒咁走? 定係有証人望住佢哋上床証明個女仔自願? 我估係前者. 清醒咁走唔代表願意同佢上床. 強姦簡單定義係個女人唔想做, 個男人唔理照做, 就係強姦. 即係話, 就算佢自願俾你朋友進入身體, 搞搞吓個女仔叫停佢唔停, 佢都係強姦. 如果你朋友未被正式落案, 即係重係警署轉担保, 咁佢就可以去搵果班朋友做証人, 唔算妨礙司法公正.4. 未必. 要睇案情同個犯嘅背境. 好明顯果d 3唔識 7 拖個女仔上車 / 入後巷強姦嘅、或者遊客、居無定所嘅就一定無保釋, 如果個犯身家清白, 有正職, 兼係果 d 曖昧 case, 就可能有保釋. 建議你朋友準備定現金, 因為根據經驗保釋金起碼5萬.5. 無. 大把人成世無犯過法, 品格超級良好, 但仍會犯案. 而且陪審團會認為個犯揾番嚟嘅, 實幫佢啦...6. 強姦案無判刑指引, 單單案件判刑唔同. 我講嘅係根據經驗, 好多都係判6、7年. 吉野家案張奶奶判何嘉杰4年, 係因為佢年輕, 而且單案無乜aggravating factors.