勤工VS大假

理由係勤工獎呢樣野以前係d工廠用作鼓勵員工年終無休開足工幫公司搏殺搵錢嘅, 所以扣勤工係因為當月出現缺勤嘅工作天 (不論年假/ 病假), 公司會扣無番工當日嘅薪金, 而家只係貴公司寬限比員工唔計病假/ 不超額遲到嘅缺勤工時。

您講緊嘅係如果放左大假就影響左勤工獎金, 唔係公司無啦啦扣您有薪年假工資, 點會唔合理。 如果員工當個月放左幾日大假, 但照出勤工比佢嘅話, 咁對其他番足當月 working days 嘅同事就唔公平喇。

兩睇啦, 可以話合理, 也可以話不合理.

合理的原因就如一樓朋友所說, 這個新設的勤工獎是額外的獎勵, 是獨立於基本工資之外的, 因此會設定一些限制條件也是可以理解的. (從老闆的角度來看, 你已經放左假啦喎, 又想要多份獎金?)

而不合理的原因就是, 如果我自願放棄了有薪年假, 而公司又真的給我這份勤工獎, 這樣, 算不算是「以報酬代替假期」? 以下是僱傭條例41E的內容:

(1) 除第41AA(8)(a)及41D條及第(2)款另有規定外，凡僱員有權享有年假，其僱主不得向其付給報酬，作為代替僱員放全部或部分年假。