借左廿萬比人，但無借據(20點)

你想從正確途經去追討, 用法律途經是唯一的方法!
或者從下面3點來分析你的勝算!

1. 無任何借錢証明
當然你借錢給朋友, 沒有打算要他寫借據是人之常情, 但這正是
給他一個"走數"的機會! 法庭最重視的是證據, 沒有這個最有力的證據,
勝算很低!

2. 你過數俾佢的銀行記錄
坦白說, 這個很難當作證據! 因為佢可以"屈"你, 佢以前借過二十萬
俾你, 反而這是你還錢的記錄! 所以如果用這個資料作證據,
勝算很低!

3. 佢過數俾你的銀行記錄
這可能是你唯一有勝算機會的證據! 但首先你要向銀行查清楚,
佢每個月過1千元俾你係用乜嘢途經? 如果佢經銀行櫃台入你戶口,
冇佢的個人記錄, 即是這個都不能成為證據, 差不多完全沒有勝算!

但係如果由佢的銀行戶口過數俾你, 那或者有一線生機!
因為佢要找理由解釋除了還錢以外, 為什麼會每個月過1千元俾你!
當然如果佢有個好叻的律師, "作"到一個合理的理由出來,
勝算仍然很低!

總結: 如果上庭, 輸咗9成! 除了第3點有少許可能反敗為勝!
現在你可以決定, 會不會拿一大筆律師費出來作賭注,
在贏一場勝算很低的官司!

祝你馬到功成

當發左場夢.冇證冇據你係法官信唔信?

你的過數紀錄是否08年借錢時過數的紀錄金額,如果是有借款紀錄和還錢紀錄,你又想從正途追,惟有訴諸法庭,勝算會很大,不過因不能在小額錢債追,是經地方法院,所以要給律師費..一旦佢申請破產,你就無法追了(此就是正途方法),非正途就是...

2011-06-08 01:20:37 補充：
舉一個較常見例子..男友買了層樓跟女友住,個業權名只有男友個名,首期由男友支付,供款由男友戶口扣,最後兩人分手,兩人亦為層樓業務問題鬧上法庭,結果因女友有過戶給男友銀行紀錄,所以裁定男女朋友皆有業權..所以不要運用自己邏輯理所當然或當自己係法官或律師,借款紀錄及還款紀錄已屬隱含條款合約,促成契約並不需要白字黑字寫的,口頭或行為亦可構成協議的,大家得閒參考contract law,故在法庭上已可以說有理由相信是借貸行為,對方如有能力請律師學你們好似做戲咁'屈'返轉頭,相信就唔駛龜縮失蹤了.不過正如我所講,從正途搞,你就算嬴了,他無錢,最多申請佢破產,同當年B哥B嫂一樣..唔駛還,唔駛坐監架!!