自動波的駕駛技技巧

1) 停車等候時, 應否轉N波;答: 不用。已有研究顯示，近代配備精密電子燃油噴注系統及廢氣回流氣閥(EGR Valve) 的汽車，停車時將車留於D波會比轉向N波節省電油。長遠計，亦可避免因停車時D波轉N波，再開車時N波轉D波所產生的損耗。再者，萬一有突發事故，將車留在D波時你所作出要將車駛開的反應會比轉到N波再拖到D波敏捷
2) 斜路停車再開車會否流后; 應怎樣駕駛答: B180是CVT波箱，斜路如果比較斜時是有很大機會會溜後的。之前曾為同類型問題作答，這類你可以看看以作參考：斜路上斜，其實唔理棍波自動波，如果係好斜嘅時候，都會有機會溜後。所以應該好好運用 Hand Brake.

1, 斜路停車，右腳踩 brake, 左手拉 hand brake (如果係腳掣, 就左腳踩)
2, 準備開車時，左手鬆 handbrake 掣，保持拉起狀態
3, 右腳比少少油，當感覺到架車有少少動力向前，就一路鬆 hand brake, 一路踩油前進

有D人會用左腳踩 brake, 右腳踩油去就，但其實好危險。新手千祈唔好試。壞習慣

自動波入面，無段變速波箱 (CVT) 喺斜坡溜後情況更為嚴重。

其實唔只細cc車，大cc 車都會有同一通病，因為大cc車為咗起部嗰吓冇咁 "chok", 電腦會安排2波起步。平路冇嘢，上斜就出問題。呢D情況可以喺停定時先拖落低波 (好似1波， D1, L 等)，咁起步時就一定夠力。不過一般如果養成好習慣用 Hand brake 一齊用時就夠

2011-06-02 10:17:20 補充：
不過B-Class 同其他新嘅Benz有一樣安全設備叫做 Uphill Start-Off Assist(其他車廠新車都有類似裝備), 喺上斜斜度達 4度以上時，當駕駛者嘅腳從 brake 鬆開準備踩油門前進時，架車嘅brake 會自動 hold 多兩秒，確保駕駛者有足夠時間將腳移向油門，避免溜後。