德國同南非製造平治之分別

如果你係問造工同用料嘅分別的話，德國同南非製造嘅呢一代C-Class分別實在唔大 (Benz房車嚟講，南非廠房只造 C-Class). Benz係較早期踏足南非開始生產嘅車廠，到而家接近三十年歷史，技術上同勞工經驗上已經好純熟。八十九十年代全球好多右馱嘅C-Class都交由呢間南非廠房造 (因為南非人工較其他同樣係右馱市場嘅國家平，政府又有補貼). 用料上，Benz都係做 Global Sourcing, 有番既定程序同標準，所以相差唔會大得去邊。 至於你如果係問德國同南非嘅平治點” 分辨” 的話，你可以check吓喺登記證或者刻喺車身上嘅十七個字嘅車身編號 (VIN, Vehicle Identification Number). 如果係 W開頭，就係德國造；如果係A開頭，就係南非做。