關於孝順...工作上也有孝順嗎？

看到你的情況﹐我身同感受。我爸爸也是做生意的﹐做的比你們小很多﹐家庭式經營。因為只有一個鋪位﹐不用請人幫忙﹐爸媽兩人輪流看鋪都搞定﹐但有時間的時候我也想幫輕他們。但是情況跟你一樣﹐我跟爸做事﹐做生意的意念﹐方式完全不一樣。他現在鋪頭賺的錢剛夠兩份人工﹐但是我覺得可以成功一點﹐因為有些貨品和他收取的安置費根本比外面便宜很多很多﹐甚至不收取安裝費﹐客人喜歡怎樣就怎樣﹐他說這就是CUSTOMER SERVICE。他覺得這樣便宜法可吸引客人﹐但是只吸引了些非常CHEAP﹐非常麻煩的客人﹐又不願付錢﹐又嫌三嫌四的人﹐有一個問他要了手機號碼﹐半夜三更打給他問貨品的問題﹐我覺得他們是看通我爸的做法來欺負他。 其實我爸為人非常好﹐永遠不會騙人﹐願意幫助別人。但他根本就不是做生意的材料﹐做不到大事。我給他意見﹐他反說是我的想法有問題﹐根本聽不入耳。我們沒可能一起工作﹐只會常常吵架。跟你一樣﹐我很掙扎。不幫好像很不孝﹐幫又影響大家的關係。我又不想看到他被客人欺負﹐可以怎樣呢? 後來我想通了。生意是他的﹐他喜歡怎樣去打理是他的自由。要講都講過﹐接不接受我都沒辦法了。他要虧本﹐是他自己願意的。現在我覺得我們之間沒東西比我們的親情重要﹐跟他撐到行只會破壞我們的關係﹐那就算贏回生意也沒意思﹐反正怎樣說他們都不會聽﹐對不對?生意只是身外物﹐就算到了最尾做不成也算吧。或者到了那時候他們才明白我們的苦心呢。或者是我爸的生意小﹐我可以看得開。你家的大生意我明白你會比我焦急吧。但是如果真的影響到你跟媽媽的關係﹐我想她也不會開心。祝你好運! (不知道是不是年紀的問題﹐不知你媽多大﹐我爸差不多六十了﹐變得非常固執﹐令家裡的人挺累﹐不想跟他多講話。我唯有安慰自己他或者是更年期啦﹐只好忍耐忍耐吧!)

很同意 001 嘅睇法, 亦很同情兩位幸福嘅可憐人, 雖然我未曾有過咁高檔嘅煩惱, 但作為資深工作者, 這類倒米嘅老闆, 都遇過幾個, 你哋嘅想法同不憤, 我都可以理解。

條條大路通羅馬, 佢哋成功養育兩位, 擁有自己一門生意, 到目前為止仍然是可持續嘅, 佢哋嘅成就大過晒你哋… 我喺呢度並唔係稱頌佢哋, 相反, 我同你哋有相同見解, 唔認同佢哋嘅做法, 但事實歸事實, 雖稱不上可以目空一切, 不過亦係支持佢哋漠視民意嘅理據。

001 都已經講得好明白, 盤生意係佢哋嘅, 有忠告唔聽, 你哋可以耐佢哋乜嘢何? 可以做嘅, 唯有放手不管, 冇危機, 固執嘅人係自己永遠是對的, 如果你認為按佢嘅指示會破壞你個人商譽, 你咪退出最前線轉管內務, 等佢自己去 problem solving 囉, 你都講咗做生意商譽好緊要, 到佢真係知衰, 需要到你去幫佢掃屎嗰陣, 都要有 tools 至有效率㗎… 係咪?

親情比一切都重要~!