請問睡眠不足會引起頭痛嗎?

頭痛有好多原因 : eg 感冒, 發燒, 唔夠訓, 曬太陽曬得太耐, 凍天寒風吹住個頭太耐, 太緊張, 偏頭痛, 濕住個頭訓.....etc所以唔同原因頭痛, 有唔同方法解決 1) 感冒, 發燒 : 會頭重重咁, 當然要去睇醫生食藥啦
2) 唔夠訓 : 每個人需要訓既時間都唔一樣, 但一般都係8個鐘度, 你要睇返自己需要訓幾多個鐘, 訓返夠就會無事架啦 !
想知自己需要訓幾多個鐘, 就揾一日放假日子, 早少少上床訓, 訓合夠8個鐘度, 如果再想訓就繼續訓, 如果訓夠8個鐘後點訓都訓唔著, 咁即係話你係訓8個鐘啦 ! 但如果8個鐘之前你已經醒咗又訓唔返, 起身之後又好精神既話, 即係你唔係少於8個鐘啦 !!
重點係你訓醒之後全日都無覺得好攰既話, 就係果個時間啦 !
4) 太緊張 : 要自己留意啦 ! 會唔會係你讀書or 做野太緊張 , 通常都會係做完一d 好緊張既野, 過一段時間後就會頭痛啦 !
當然就係要放返慢d 腳步, 唔好咁緊張. 一發現自己好緊張, 就試下飲下水, 去下廁所之類, 總之要比自己休息一下.
5) 曬太陽曬得太耐, 凍天寒風吹住個頭太耐 : 記住帶帽啦 ! 唔好曬親或吹親啦 !
6) 偏頭痛 : 呢樣係頭痛最嚴重既一種, 通常見到一d 光閃過之後會頭痛, 會偏向一邊痛, 同脈搏既痛法 (即係好似心跳緊既痛法, 一下一下咁), 通常去d暗d 既地方休息會舒服d既, 如果你覺得自己係就要睇醫生啦 ! 有d人痛之前可能會見唔到閃光架 !
仲有就係會持續痛一段時間架, eg 幾日, 一兩星期..etc
而且嚴重者係會痛到嘔架 ! 我就係呢種啦 ! 你最好都係睇醫生啦 !
7) 濕住頭訓 : 當然係唔好濕住頭訓啦, 記住吹返乾個頭先訓啦 !!P.S. 仲有多頭痛既人, 夏天係會更多頭痛出現架. 因為有頭痛既人, 天氣轉變都會令病者容易出現頭痛架 ! 建議你去街盡量要帶把"遮", 行路時攞"遮" 遮下太陽, 會無咁易頭痛架 !