女朋友無記性.經常屈返我話無同佢講過,點算好?

我同女朋友一齊左年幾
但我地都好坦白,乜都會同對方講
佢係1個好要面同硬頸既人
同佢岩岩開始果陣,有時鬧交..佢知錯都會哄返我
耐左之後,次次鬧交都係我錯,明明佢問題.都可以變左係我有問題
佢好似覺得如果唔係我挑佢d野出黎講,就唔會嗌交
佢既硬頸性格, 次次鬧完交都係我哄佢, 雖然我都唔係幾情願
但無計,鬼叫佢唔肯認錯,如果硬碰硬,一定死得,唯有我落地獄
我仲要好聲好氣咁同佢講係我錯,佢仲可以3分顏色上大紅
繼續嬲我, 比面色我睇
好..呢樣都算, 最大問題係佢成日都無記性..仲要唔認
我地好坦白,所以我1早就已經同佢講哂以前我d野
加上生活既事,我都會同佢講..但好多次佢唔記得件事
當我咁岩提起件事, 佢就以為我無同佢講, 話我呃佢
舉個例:
年幾前我有朋友介紹個女髮型師幫我剪髮
咁當然我係記得我有同佢講, 之後我今日咁岩同佢提起幫我剪髮既係女仔
佢即時有d呷醋既面色,之後我就同佢講我之前有同佢講
而且都已經為左呢件事而嘈, 點知佢話佢淨係知我同佢講轉左髮型師
而無同佢講果個人係女仔, 真係火都黎
普通大大小小既事我都有同佢講,更何況係同異性有關既野
我一定會坦白同佢講,因為唔想佢有誤會
點知佢仲可以大條道理話自己一定無記錯.一口咬定話我無講過
仲話關係到同異性既事,點會唔記得
我之前有試過用電話錄音,咁岩錄低左另一樣野拎到出黎做證
佢先肯認自己無記性, 唔通我同佢相處, 講過乜都要錄音咩
我最頂唔順既係佢成日都覺得自己無錯,唔肯認自己有錯過
我唔敢講1d傷害我地感情既說話
如果我同佢講,你好難頂/ 你好鬼硬頸/ 你好要面/........你好似無維護我地既愛心情.........等等...佢一定會發癲, 雖然我好想咁講
但我講,大家一定又係度嘈, 所以請問我點算好?