✔ 最佳答案
樓上幾位仁兄既答案都好正確,不過始終搔不到癢處。德國係二戰必定失敗,原因極為簡單。當年德國只係中歐地區強國,但要同美、蘇、英、法四大巨強同時開戰,雙拳戰八掌,而且四件都係超級大隻佬,唔輸先至係奇蹟。另外,納粹過份邪惡,能力又高,令全球所有正常既政權為求自保都要徹底與之誓不兩立。
2011-05-24 23:39:37 補充:
樓上gdg君實在需要睇多啲二戰史。蘇聯係二戰初期兵敗如山倒,點解﹖因為史達林係開戰前十年幾乎處決晒紅軍所有最善戰既將領,包括總司令圖哈切夫斯基元帥在內!蘇德戰爭開戰時紅軍根本無乜人識打仗,完全係因為史達林既垃圾決定所致。
2011-05-24 23:45:30 補充:
Ha Ha兄認為羅斯福總統係最優秀既二戰領導就好有道理,我經常認為佢係人類史上最偉大既領袖之一。羅斯福總統雖非專業軍人,但佢睇世界形勢比較準確,雖然美國直接受害於日本,但佢無火遮眼以消滅日魔為唯一敵人,反而以反德為最高目標,亦堅決支持當時不知是否有明天既英帝國及戰前堅決反對既蘇聯。羅斯福總統亦認清中國雖然係二戰貢獻有限,但中國既潛力及對日魔既牽制能力係對戰爭既重要貢獻。羅斯福總統係盟軍中唯一堅持要與中國合作既最高領袖,呢樣野係當時歧視極為嚴重既西方社會絕對少見。