新手買相機

兩部機規格基本上係幾乎一樣,除咗支鏡頭變焦倍數有分別.S4000可以zoom遠啲去到720mm, S2950就只可以去到504mm.買得長zoom機都係想影遠嘢,咁當然係zoom得越遠越着數.所以唔介意S4000貴幾百蚊的話,咁S4000會好啲.另外S4000個mon像素係比較高的,雖然對拍攝冇乜實質作用,但睇相會靚啲,同埋檢查相有冇矇會準確啲.題外話,其實我唔係太建議人買呢類長zoom機的.冇錯睇落價錢係好抵.但其實呢類機為咗增加有效焦距,感光完件一定有咁細用咁細,雜訊控制差,高倍變焦鏡頭又難控制光學質素,zoom到盡光圈又細,望遠端基本上只有光線非常足夠同埋影啲唔多郁既嘢先影到.但係我見十個有九個買呢類機唔係諗住影演唱會就係影明星,坦白講一定會失望,zoom到都影唔到.機身又笨重,坦白講不如買部DC仔唔駛咁鷄肋. 以下網頁有相機既規格http://www.dcfever.com/cameras/database.php