澳洲工作旅遊計畫問題 Working Holiday

1.Visa 有效期一年，係指由Visa簽出之日起計，而逗留一年係由入境之日起計，換言之，你是今年5月22日批出，你在明年5月21日之前一定要出發，去到(Australia)之後，你可逗留365日，期滿之後，你仍可在當地申請續期 (extension)。所以，你唔使驚唔够。
2.銀行存款冇乜明文規定，大約4,000至5,000澳元都够，你若表明誠意，唔多够數佢都會批俾你，你話過到去，會儘量努力打工揾生活，但點都要够頭一兩個月嘅生活食用住宿開支，唔使踎街。
3.Body Check係在你遞申請後，佢叫你去指定的診所做，唔使急，要俾錢。
4.年青人獨立闖盪，擴闊眼光，終生難忘，有大志，最好不過。
5.邊處落脚先？看你哪裏有朋友，不外乎三個省，九月是澳洲春天，Brisbane (昆士蘭省)較暖，生活指數抵一些，Sdyney (新南威爾斯省)，南半球及澳洲最大城市，够晒繁榮，Melbourne (維多利亞省)有藝術氣息，是澳洲第二大城市。
6.如果是HK$7,500全包(機場稅，燃油附加費等)，已是够便宜，因為是一年票，看看是否可更改回程日期，你可比較澳航(Quantas)一年票的。
7.什麼旅遊書都會有用，你亦可上網 www.mook.com.tw，是台湾中文的。
8.旅遊保險一定要買，人在異鄉，甚麼事情都會發生。況且，你在申請批出後，擇好出發日期，才去買也不急。

%% 窩心提示：最緊要定，淡淡定，有錢剩。船到橋頭自然直，我當年追求夢想，孤身WHV遊遍澳洲東南四省 (連塔斯曼尼亞)及紐西蘭南，北島，如今鳥倦知還，隱居紐西蘭某一小鎮，今生無悔。