請問shippment 需要有咩文件呀?

走貨程序
1) 要問清楚你既供應商或工厂何時做好D貨. 2) 有貨期後, 就做BOOKING 俾船公司 (用咩船公司, 一般客人都有用開自己常用既FORWARD 架, 所以如果你唔知的話, 就要先問客人攞資料)3) 要睇下客人要唔要驗貨, 如果要的話, 就要安排約客人驗貨4) 追船公司放SO, 再等驗貨合格後, 就安排運輸到工厂收貨, 再送入船公司的倉庫 (當然你亦要FAX 你SO 俾埋運輸啦) 5) 運輸交貨後, 會有張MATE RECEIPT (俗稱 : 尾紙), 你要影印一個COPY 留底, 記住KEEP 好正本, 唔好唔見呀.6) 打文件, 一般係INVOICE, PACKING LIST, GSP FORM OR CO (FORM A & CO 都係叫產地証, 通常歐洲國家做FORM A, 其他地方就做CO. 詳細最好問下你客人要邊張啦 ! ) 另外, 就要問客人仲有無其他文件特別需要做俾佢, 如果有, 就照佢要求做就係啦 !7) 等船開後, 船公司會發提單COPY & DEBIT NOTE 俾你對單8) 核對提單有無野打錯, 另外要安排開支票, 再將支票, 正本尾紙, FORWARDER 既DEBIT NOTE, 公司章, 一同帶去船公司轉正本提單返嚟9) 再文件 & 提單COPY 先EMAIL 俾客人, 睇佢有無問題, 如無問題, 就要睇你係咩方式付款啦. L/C 的話, 就入BANK, 如果有數期既, 就直接SEND 正本文件俾客就得啦 !P.S. 正本提單只寄2/3 SETS 俾客人就夠啦. 留底1/3 SETS 以防你寄出2/3 的提單遺失咗, 你都仲有最後一份再俾佢提貨 !
報關問題
1) 船開後14日內就要報關2) 要報關既文件係要用INVOICE & B/L 3) 報關方法, A) 一種叫TRADE LINK, 可以直接O係公司上TRADE LINK 報關 (TRADE LINK 你要事先購買佢既SOFWARE, 再安裝好先可以報關)B) 上網去香港總商會, DOWNLOAD 報關FORM 再去郵局做報關就得架啦 !

你是問booking需要什麼文件，還是要給客人什麼文件？

booking，只需要用船公司或forwarder的落貨紙，打好落貨紙後，船公司等給你s/o number，就可以在截數前入倉。
往美國則需要在開船前最少一日，提供invoice, packing lsit, 及反恐文件等給船公司，如需要license貨物，一同給船公司。

至於給客人的文件
最基本是invoice, packing list, bill of lading/waybill/cargo receipt, Form A/C.O.(如需要)。其它文件及數量，則視乎你的客人而定。

香港報關，只需要有提單號碼、船名、航次或班次、開航日期、貨物名稱、數量、金額等。大多公司都是使用貿易通報關，只需要在電腦輸入齊各資料遞交即可。